Aýrýhana qyzmetkerleri naýqastyń ómiri úshin 2,5 aı kúresti.
Kóliginiń janarmaı súzgisin óz betinshe aýystyryp jatqan er adamnyń ústine benzın tógilip, órt shyǵyp, ony kúıik shalǵan, dep habarlaıdy Almaty-akshamy.kz
Oqıǵa bıylǵy jyldyń qyrkúıek aıynda bolǵan.
«Bul 26 qyrkúıekte boldy. Men kólikti jóndep jatqanda, aıaǵym janyp ketti. Men alasuryp aýlada júgirdim, jerde domalaýǵa tyrystym, biraq benzın ústimde jalyndap jatty. Men jalyndy sóndire almadym», - deıdi Rınat Ilmıev.
Eldegi eń iri kúıik ortalyǵy № 4 qalalyq klınıkalyq aýrýhanada ornalasqan.
Aýrýhana baspasóz qyzmetiniń málimetinshe, er adam klınıkanyń qabyldaý bólimine jetkizilip, birden anestezıologıa, reanımasıa, qarqyndy terapıa bólimshesi (ARQTB) jatqyzyldy.
«Naýqas aýyr halde tústi. Alǵashqy medısınalyq kómek kórsetilgennen keıin, klınıkalyq-zerthanalyq jáne aspaptyq tekserýler, mýltıdısıplınarlyq tekserýler júrgizilgennen keıin oń bilektiń, aldyńǵy ish qabyrǵasynyń, aıaq-qolynyń, bókseniń termıalyq kúıigi s=40%/I-II-IIIa-İİİb dárejesi dıagnozy qoıyldy. Septıkotoksemıa satysyndaǵy kúıik aýrýy. Dene betiniń 40% termıalyq kúıigi. Qajetti medısınalyq kómek kórsetildi», - dedi emdeýshi dáriger Dıas Dáýletbaev.
Aýrýhana qyzmetkerleri naýqastyń ómiri úshin 2,5 aı kúresti. Quramynda kombýstıologtar men reanımatologtar bar joǵary bilikti dárigerler toby bes hırýrgıalyq operasıa jasady, olardyń úsheýi teri transplantasıasy boıynsha. Búgin tańda er adam jaǵdaıy jaqsaryp, aýrýhanadan shyǵaryldy.