«Kógerip» ketken adamdy preparattar jáne ókpeni jasandy jeldetý arqyly qutqarýǵa bolady
Lomonosov atyndaǵy MMÝ-diń ǵylymı qyzmetkeri, vırýsolog, molekýlárly bıolog Maksım Skýlachaev koronavırýspen naýqastanǵan adamnyń terisi aýrý aǵymy aýyr ótken jaǵdaıda kógerýi múmkin, dep habarlaıdy Almaty-akshamy.kz tilshisi Ren-tv-ǵa silteme jasap.
Bul qandaǵy otteginiń jetispeýshiliginen jáne ókpe jumysynyń buzylýynan bolady.
«Bul jaǵdaıdy púlsoksımetrmen boljaýǵa bolady. Oksıgenasıa belgili bir deńgeıden tómen tússe, jedel járdem shaqyrý kerek jáne jaǵdaıdy sıanozǵa jetkizbeý kerek. COVID-19 aýyr ótken jaǵdaıda bolady. Mundaı kezde dereý aýrýhanaǵa jatqyzý, jan saqtaý bólimine jatqyzý kerek», - deıdi Maksım Skýlachev.
Bul qubylys sıanoz dep atalady – mundaı jaǵdaıda murny men erniniń aınalasy kógerip ketedi. Sarapshy mundaı adamdardy preparattarmen jáne ókpeni jasandy jeldetý arqyly qutqarýǵa bolatynyn atap ótti.
Immýnolog jáne medısına ǵylymdarynyń kandıdaty Nıkolaı Krúchkovtyń aıtýynsha, sırek jaǵdaılarda ınfeksıalanǵan adamnyń búkil denesi kógerip ketýi múmkin. Biraq bul zat almasýdyń buzylýymen baılanysty aýytqýshylyq bolyp tabylady.