BUU-nyń Adam quqyqtary jónindegi joǵarǵy komısary Folker Túrk senbide Twitter-diń bas atqarýshy dırektory Ilon Maskqa ashyq hat joldap, osy áleýmettik medıa arnasyn basqarýda adam quqyqtaryn basty orynǵa qoıýǵa shaqyrdy, dep habarlaıdy Almaty-akshamy.kz Inform.kz-ke silteme jasap.
Hat kompanıanyń juma kúni qyzmetkerlerdi, sonyń ishinde Twitter-de adam quqyqtary men etıka erejelerin saqtaýǵa jaýapty mamandar tobyn jappaı jumystan shyǵarý týraly habarlamalardan keıin jetti.
«Bizdiń ortaq quqyqtarymyzdy saqtaý platformany paıdalaný men evolúsıa shegin anyqtaýy kerek», - dep jazdy Folker Túrk.
Ol óziniń hatynda Twitter-di jeke ómirge qol suǵylmaýshylyq quqyǵyn qorǵaýǵa shaqyrdy jáne kompanıada basqa adamdardyń quqyqtaryn buzatyn kontentti taratpaý jaýapkershiligi bar ekenin atap ótti.
27 qazanda Mask Twitter-di satyp alý týraly kelisimdi japty. Jańa ıesi paıdalanýshylardy únemi buǵattaý tájirıbesin joıady dep kútilýde. Kásipker Twitter-di moderasıalaý máselesin zertteýmen aınalysatyn arnaıy keńes quryp jatqanyn málimdedi.
Sondaı-aq Ilon Mask kompanıanyń dırektorlar keńesin ýaqytsha taratty jáne kompanıany basqarý tolyǵymen ýaqytsha Ilon Masktyń baqylaýyna ótti. Bul týraly kásipkerdiń ózi habarlady.
Buqaralyq aqparat quraldarynyń habarlaýynsha, juma kúni shyǵyndardy azaıtý maqsatynda myńdaǵan qyzmetker jumystan shyǵaryldy
Sýret: Egemen.kz