Halyqaralyq energetıka agenttigi (HEA) munaıǵa álemdik suranys 2023 jyly táýligine 1,9 mln barelge ósip, táýligine 101,7 mln barelge jetedi dep boljap otyr.
Bul týraly Almaty-akshamy.kz QazAqparat saıtyna silteme jasap habarlaıdy.
«Qytaı koronavırýs shekteýlerin joıylǵannan keıin, munaıǵa suranystyń jartysyna jýyǵyn qamtamasyz etpek. Bul rette 2023 jyly álemde munaıǵa suranys ósýiniń negizgi kózi avıasıalyq otyn bolady, oǵan suranys táýligine 840 myń barelge artady, - delingen HEA esebinde.
Agenttik sondaı-aq 2023 jyly álemdik munaı jetkiziliminiń ósimi táýligine 1 mln barelge deıin baıaýlaıdy dep boljap otyr.
Aldyńǵy jyly bul kórsetkish 4,7 mln barelge artqan bolatyn. OPEK + quramyna kirmeıtin elder bıyl munaı usynysyn táýligine 1,9 mln barelge ulǵaıtady, al OPEK+ elderiniń usynysy Reseıde óndiristiń tómendeýine baılanysty táýligine 870 myń barelge qysqarady. HEA málimetinshe, bıyl jetkizilim ósimi boıynsha AQSH kósh bastap otyr, odan keıin ekinshi jyl qatarynan «qara altyn» óndirisiniń jyldyq rekordyn ornatqan Kanada men Brazılıa tur. Baıandamada álemdik baqylanatyn munaı qory qarasha aıynda 79,1 mıllıon barelge ósip, 2021 jyldyń qazan aıynan bergi eń joǵary deńgeıge jetkeni atap ótildi.
Alaıda, 2023 jyldyń basynda munaı qorynyń balansy batystyń Reseı eksportyna sanksıalarynyń yqpalynan tez nasharlaýy múmkin. Taýar naryǵy, ásirese dızel otyny munaıǵa degen suranystyń ósýine baılanysty eń úlken qaýip-qaterge ushyramaq.