Bauyr obyry - eń qauíptí onkologıyalyq aurudyń bírí. Būl dert kóbíne baıqalmaı damyp, kóp jaǵdaıda kesh satysynda ǵana anyqtalady. Onyń tuyndauyna yqpal etetín negízgí qauíp faktorynyń bírí - V jáne S vırusty gepatıtterdíń sozylmaly túrí. Būl ınfektsıyalar adam aǵzasynda jyldar boıy eshqandaı belgí bermeı, bauyrdy bírtíndep zaqymdap, qaterlí ísíktíń paıda boluyna qolaıly orta qalyptastyrady. Būl turaly Almaty №36 qalalyq emhananyń onkolog dárígerí Zarına Toılybaeva aıtyp berdí, - dep habarlaıdy Aqshamnews.kz tílshísí.
V jáne S gepatıtterí - qan jáne basqa da bıologıyalyq sūıyqtyq arqyly jūǵatyn vırus ınfektsıyalary.
Auru qan qūıǵanda, sterılsíz medıtsınalyq qūraldy qoldanǵanda, ıne arqyly esírtkí tūtynǵanda, tatuırovka jasaǵanda, jynystyq qatynas kezínde jūǵuy múmkín. Basty qauíp - kóptegen adam óz boıynda vırus bar ekení turaly bílmeuí. Eger der kezínde emdelmese, gepatıt sozylmaly túrge auysyp, uaqyt óte kele tsırrozǵa nemese bauyr obyryna ákeluí múmkín.
Dúnıejúzílík densaulyq saqtau ūıymynyń málímetínshe, alǵashqy anyqtalǵan bauyr obyry jaǵdaıynyń 80 paıyzyna juyǵy dál osy sozylmaly vırusty gepatıttermen baılanysty.
V jáne S gepatıtteríne skrınıngten ótuge tıís adamdar qataryna medıtsına qyzmetkerlerí (ásírese qanmen jūmys ísteıtínder, ınvazıyalyq protsedura júrgízetínder, hırurgıya, stomatologıya, gınekologıya, gematologıya jáne zerthana qyzmetkerlerí), ota aldyndaǵy patsıentter, qan qūıdyruǵa mūqtaj adamdar, onkologıya, gemodıalız, transplantologıya jáne basqa da bólímshede em alyp jatqandar kíredí. Sondaı-aq júktí áıelder men ómír saltyna baılanysty AITV men gepatıtke shaldyǵu qaupí joǵary adamdar jatady.
Būl aurudyń zūlymdyǵy - bauyr zaqymdalǵanyn ūzaq uaqyt boıy teńgeríp tūruy.
Adam eshqandaı auyrsynu ne jaısyzdyq sezínbeuí múmkín. Álsízdík, oń jaq qabyrǵa astynyń auyrlauy, tábettíń tómendeuí, teríníń sarǵayuy sıyaqty belgíler tek auru asqynǵan kezde ǵana bílínedí. Al būl kezeńde emdeu qıyndaı túsíp, sauyǵu múmkíndígí de tómendeıdí.
Aurudyń aldyn aluǵa bolady. Ol úshín bírínshí kezekte ekpe alu qajet.
B gepatıtíne qarsy ekpe - QR Ūlttyq ekpe kúntízbesíne engízílgen jáne tegín salynady. Ókíníshke qaraı, S gepatıtíne qarsy vaktsına álí joq. Sonda da būl auru erte anyqtalsa, emdeuge keledí.
Esíńízde bolsyn: skrınıngten ótu men tūraqty tekserílíp tūru - densaulyqqa sanaly qaraudyń belgísí. Aurudy erte anyqtau - gepatıt pen bauyr obyrynyń aldyn aludyń eń tıímdí jolynyń bírí.
"Eger síz būryn-sońdy V jáne S vırusty gepatıtteríne analız tapsyrmasańyz nemese B gepatıtíne qarsy egílgeníńízge senímdí bolmasańyz, tūrǵylyqty jeríńíz boıynsha emhanańyzǵa baryp keńes alyńyz. Keıde bír qarapaıym taldau - densaulyǵyńyz ben ómíríńízdí saqtap qaluǵa kómektesuí múmkín", - dep túıíndedí sózín Zarına Toılybaeva.