Dúnıejúzilik azamattyq qorǵanys kúni sheńberinde 1 naýryz saǵat 9.00-den 12.00-ge deıin azamattyq qorǵaýdyń qulaqtandyrý júıesine respýblıkalyq tekserý júrgiziledi.
Tótenshe jaǵdaı mınıstrliginiń málimetinshe, halyqty qulaqtandyrý jáne habardar etý - turǵyndardy tabıǵı qubylystardyń ártúrli faktorlarynyń áserinen bolatyn apattyń nemese joıqyn áserdiń teris saldarynan qorǵaýǵa múmkindik beretin negizgi qaýipsizdik sharasy, dep habarlaıdy Almaty-akshamy.kz QazAqparatqa silteme jasap.
Qulaqtandyrý júıesin tekserý barysynda elektr dabyldaryn jáne sırenalyq-sóıleý qurylǵylaryn (daýys zoraıtqyshtardy) qysqa merzimge qosý, sondaı-aq teledıdar jáne radıoarnalarynyń efırin ustap alýdy júzege asyrý, ınternet-resýrstar men mobıldi qosymshalarda aqparatty ornalastyrý kózdeledi. «Barshanyń nazaryna!!!» dybystyq sıgnaly - bul qaýip tóngen nemese tótenshe jaǵdaı týyndaǵan kezde barlyq shuǵyl habarlamalardy berýdiń aldynda halyqtyń nazaryn aýdarý úshin beriletin eskertý sıgnaly.
Dybystyq sıgnaldy estigen kezde teledıdarlar men radıoqabyldaǵyshtardy qosý kerek, Internet-resýrstardaǵy jáne mobıldi qosymshalardaǵy aqparatty týyndaǵan jaǵdaıda odan ári áreket etý týraly nusqaýlar alý úshin oqyp shyǵý kerek. Sonymen qatar, qaýipti óndiristik obektiler men gıdrotehnıkalyq qurylystardaǵy jergilikti qulaqtandyrý júıeleriniń jaramdylyǵy tekseriletin bolady. Qulaqtandyrý júıesine respýblıkalyq tekserý júrgizý qulaqtandyrý jabdyǵyn ázirlikte ustaýǵa jáne halyqty yqtımal tótenshe jaǵdaılardan qorǵaýǵa baǵyttalǵan.