1 naýryzdan bastap PTR-testiniń teris nátıjesi bar qazaqstandyqtar Italıa aýmaǵyna karantınsiz kire alady
Qazaqstan Respýblıkasyndaǵy Italıa Elshiliginiń saıtynda habarlanǵandaı, Italıaǵa týrısik saparlarǵa qoldanystaǵy shekteýler toqtatylady, ıaǵnı 1-31 naýryz aralyǵynda qazaqstandyqtarǵa Eýropa eline kirýge ruqsat etiledi, dep habarlaıdy Almaty-akshamy.kz
Qazaqstan Respýblıkasyndaǵy Italıa elshiliginde bul úshin kelesi qujattar qajet ekenin atap ótti:
- Saýalnama;
- Kelesi qujattardyń biri: Eýropalyq dárilik zattar agenttigi tanyǵan preparatpen koronavırýsqa qarsy vaksınasıalaý týraly anyqtama, ol vaksınasıalaýdyń tolyq birinshi kýrsyn aıaqtaǵannan keıin nemese revaksınasıadan ótkennen keıin berilýi tıis. Eger vaksınasıa týraly anyqtama bolmasa, onda 180 kúnnen aspaıtyn ýaqyt ótken tıisti ózin-ózi oqshaýlaý kezeńiniń aıaqtalý kúnin kórsete otyryp, saýyǵý týraly anyqtamany usynýǵa ruqsat etiledi. Sondaı-aq, teris nátıjesi bar antıgendik jedel test (jaramdylyq merzimi 48 saǵat) nemese molekýlalyq PTR testi (jaramdylyq merzimi 72 saǵat) týraly anyqtama berýge bolady.
Anyqtamalardyń biri bolmaǵan jaǵdaıda saıahatshy bes kúndik karantındi óteýge, al karantınnen keıin koronavırýstyq ınfeksıaǵa testileýden ótýge mindetti.