Ortalyq Azıada ázirge mundaı baǵdarlamanyń balamasy joq
«Etnosaıasattaný» magıstrleri elordada daıyndalady. Eki jyldyq bilim berý baǵdarlamasy kásibı standarttarǵa sáıkes jasalǵan, dep habarlaıdy Almaty-akshamy.kz Qazaqtv.com saıtyna silteme jasap.
Etnosaıasat salasyndaǵy sarapshylardy daıarlaý – memlekettik deńgeıdegi qajettilik. Bul týraly L.N.Gýmılev atyndaǵy EUÝ Qazaqstan halqy Assambleıasy kafedrasynyń meńgerýshisi Natalá Kalashnıkova málim etti. Onyń aıtýynsha, etnosaıasattaný mamandyǵynda bilim alyp jatqan magıstrler bolashaqta kóptegen saıası máselelerge sarapshy bola alady. Sebebi bul – jan-jaqty mamandyq.
Aıta keteıik, jańa bilim berý baǵdarlamasy jýrnalısıka, saıasattaný jáne halyqaralyq qatynastar fakúltetteriniń ǵylymı-bilim berý bazasynda iske asyryldy. Qazirgi tańda etnosaıasattaný mamandyǵynda 10 magıstr bilim alýda.
«Arnaıy mamandandyrylǵan fakúltetti ashatyn kezde úlken talqylaý boldy. Bul máselede bizge etnomádenı birlestik óz qoldaýyn kórsetti. Aımaqtyq etnomádenı birlestikter de atsalysyp, elimizde etnosaıasattanýshylarǵa suranys baryn rastady. Biz aprobasıalanǵan Dýblın standarttary baǵdarlamalarynan óttik. Sondyqtan da qazir saıasattaný bilim berý baǵdarlamalar tobynda eki jyldyq magıstrlik ǵylymı-pedagogıkalyq baǵyt júzege asyrylyp jatyr. Bolashaqta bilim alyp shyqqan mamandar túrli salada jumys isteı alatyn, jaýapty sarapshylar bolyp shyǵatynyna senimdimin», - deıdi L.N.Gýmılev atyndaǵy EUÝ-niń Qazaqstan halqy Assambleıasy kafedrasynyń meńgerýshisi Natalá Kalashnıkova.