«Almaty» TA-daǵy Akimat LIVE baǵdarlamasynyń tikeleı efıri kezinde qala turǵyndarynyń suraqtaryna jaýap bere otyryp, qala ákimi Baqytjan Saǵyntaev modýldi qutqarý lashyqtary barýy qıyn jerlerge tikushaqtardyń kómegimen jetkiziletinin aıtty, dep habarlaıdy almaty-akshamy.kz
«Shyn máninde, tikushaqtar modýldi qutqarý lashyqtaryn ornatý oryndaryna jetkizedi. Óıtkeni, taýly jerlerde kólikpen júrý óte qıyn, sondyqtan tikushaqtar paıdalanylady», - dep jaýap berdi Baqytjan Saǵyntaev taýda ne tasymaldanatyny týraly suraqqa.
Almaty ákimi qutqarý modýlderin ornatý taýdaǵy qaýipsizdikti qamtamasyz etý boıynsha keshendi sharalar aıasynda júrgizilip jatqanyn eske saldy. Osy maqsatta taý joldary sıfrlandyrylady jáne abattandyrylady. Sonymen qatar, Shymbulaqta, Medeýde vızıt-ortalyqtardyń jumysy iske qosyldy. Osyndaı ortalyqtar Aıýsaı shatqalynda jáne Gorelnık jylý kóziniń janynda ashyldy. Munda taýlardaǵy qaýipsiz tártip boıynsha nusqaýlyq ótkiziledi.
Týrıserdiń qaýipsizdigi úshin uıaly baılanyspen qamtý aımaǵy keńeıtilýde, Kishi jáne Úlken Almaty shatqaldarynda 2 baqylaý-qutqarý pýnkti, Tuıyq sý shatqalynda tikushaq alańy salynýda, qutqarý jasaqtaryna dabyl berý túımeleri bar 10 radıorelelik dińgek ornatylýda.
Búginde 15 qutqarý lashyǵynyń 7 núktesi ornatyldy, olar myna jerlerde: «Joǵarǵy Gorelnık», «Tuıyq sý» muzdyǵynyń sońǵy morenasy, «Lýnnaıa polána», «Prohodnoe» shatqaly, «Úlken Almaty» shatqaly, «Qyzylsaı shatqaly» jáne «Sol jaqtaǵy Talǵar». Qarasha aıynyń sońyna deıin taǵy 8 ornatý josparlanýda.
Ár lashyq qutqarýshylar púltine sıgnal berý úshin «SOS» batyrmasymen jabdyqtalǵan. Sondaı-aq, lashyqtyń ishi jylytylady ári munda alǵashqy medısınalyq kómek paketi, uıaly telefondy zarádtaý, jyly kórpe jáne buzylmaıtyn ónimder jıyntyǵy bar.
Aıta keterligi, týrıserdiń taý lashyqtaryn paıdalanǵan jaǵdaılary boldy. Keıbireýler baǵyttyń ýaqytyn nemese óz kúshin esepteı almasa nemese aýa raıy buzylsa, sol jerde qalyp, túneıdi. Máselen, Saltanat esimdi qala turǵyny Instagram áleýmettik jelisinde «Pıla» shyńynan soń «Prohodnoe» shatqalyndaǵy lashyqta úzilis jasap, tynyqqanyn habarlady.
Qutqarý modýlderiniń qıyn jaǵdaıǵa tap bolǵan ári aýa raıynyń qolaısyzdyǵyna oraı taýda qalǵan týrıser arasynda jazataıym oqıǵalardyń aldyn alý maqsatynda ornatylǵanyn atap ótken oryndy.