Qyzdar úıden shyǵyp, qaıtyp oralmaǵan
Aqtóbede joǵalyp ketken eki qyz Almatyda tabyldy. Qyzdar týystaryna eskertpeı úıden shyǵyp ketkenderin aıtty, dep habarlaıdy Almaty-akshamy.kz.
"14 naýryz kúni polısıaǵa 19 jáne 20 jastaǵy eki qyzdyń týystary habar-osharsyz ketý týraly aryzdandy. Týystarynyń aıtýynsha, qyzdar úıden shyǵyp, qaıtyp oralmaǵan, telefon qońyraýlaryna jaýap bermegen. Polısıa qyzmetkerleri jedel is-sharalar keshenin ótkizdi, nátıjesinde joǵalǵan qyzdardyń Aqtaý qalasynda kórgeni týraly aqparat kelip tústi, biraq olardy sol jerden taba almaǵan. Eki aptadan keıin qyzdar Almaty qalasynda tabyldy, olar polısıa bólimine jetkizildi", – delingen habarlamada.
Qyzdar týystaryn eskertpeı jaı serýendeýge sheshim qabyldaǵanyn túsindirdi.