Kez kelgen órkenıetti qoǵamnyń basty qaǵı daty – eńbek adamyn qurmetteýden bastala dy. Bizdiń keıipkerimiz de osynaý qurmetke ábden laıyqty jan. On saýsaǵynan óner tamǵan, tiginshilikten nesibesin taýyp júrgen Aqbópe Asyl bekqyzy talaı taǵdyrdyń jolyn ashyp, aq arma nyn aq mata arqyly jetkizip júr. Onyń qolynan shyqqan san qyrly, san túrli toı kóılekteri talaı jastyń armanyna arqaý boldy. Qazir naǵyz toı dyń maýsymy. Sondyqtan Aqbópeniń bir sátke de qoly bosaı bermeıdi. Óıtkeni, ol naǵyz eńbek adamy!
Aq mata bop órilgen arman
Aqbópe – Almaty irgesindegi Uzynaǵashtyń týmasy. Es bilgen kezinde ata-anasy Almatyǵa qonys aýdaryp, №137 mektepte oqydy. Keıin №17 mektep-ınternatynda oqýyn jalǵastyrǵan Aqbópeniń naǵyz oqýshylyq kezeńi bastalady. Bilim shańyraǵynda ótken kezdesýler men ádebı keshterge úzbeı qatysqan qyzdyń qıaly san tarapty sharlaıtyn.
Balalyq kóńil degendi qoısańyzshy, ondaı sátte Aqbópeniń aqyn da, ánshi de bolǵysy kelip ketetin edi. Birde oqý orda synyń basshysy Toqtar aǵaıdyń «Aqbópe, osy seniń saýsaq taryń sondaı salaly, túbi senen ne bıshi, ne tiginshi shyǵady» dep aıtqany esinde qalypty. Ondaı sátte Aqbópe «oqýymdy ári qaraı jalǵastyrsam ba, joq jumys jasaǵanym jón be?» dep oılanyp qalatyn. Aqyry, Aqbópeniń anaǵa degen mahab baty jeńdi. Ol 9-synyptan soń tiginshilik joldy tańdap, anasynyń izin jalǵady.
Jalpy, ol bala kúninen ıne-jipti serik etti. Ájesiniń quraq kórpesine qyzyǵa qarap ósken Aqbópe úlken sheberge aınalatynyn bilmegen de shyǵar. «Bala kúnimde qýyrshaqta rymdy túrli mata qaldyǵyna orap, olarǵa kóılek tigetinmin. Al ózime 5-synypta oqyp júrgenimde ádemi beldemshe tigip aldym. Keıin bylǵarydan sómke deısiz be, taǵy biraz buıym tiktim. Alǵashqy tigin mashınkamdy 18 jasymda satyp al dym», – deıdi. Aqbópeniń anasy naǵyz ismer, bes saýsaǵynan óner tamǵan tiginshi bolǵandyqtan shyǵar, qyzyn da ózi támamda ǵan oqý ordasyna alyp keledi.
– Anam sondaı eńbekqor kisi. Ózine nebir ádemi kıimder tigip alatyn. Qazir de ózi tikken kóılekti kıse boldy, bári tańdana qaraıdy. «Osyndaı ádemi kıimdi dúkennen izdep tappaımyz. Sen qaıdan alasyń?» dep surap jatady. Ondaı kezde anam jáı ǵana on saýsaǵyn kórsetedi, – deıdi tiginshi qyz.
Almaty sán jáne dızaın kolejiniń «Sánger pishýshi» mamandyǵyn ıgergen tiginshi búginde óz salasynyń naǵyz mamanyna aınaldy.
– Kolejde oqyp júrgen kezimde jazǵy demalysqa shyǵa sala, sán atelesinde jumys isteıtinmin. Áli esimde, alǵash ret jalaqymdy alǵanda maǵan aqsha emes, tapsyrys pen tikken kóılek sondaı ystyq boldy. Men eshqashan aqsha ǵa qyzyǵyp, jumys istegen emespin. Jalpy, maǵan kez kelgen tapsyrys berýshiniń emosıasy unaıdy. Eger tikken kıim oıy nan shyqsa, aınaǵa qaıta-qaıta qaraýmen bolady. Máselen, maǵan kıim tigýdiń qyr-syryn úıretken sheberdiń aıtýynsha, ol kisi bes jyl boıy tigin sehynda tegin jumys istegen eken. Esesine, mol tájirıbe jınady. Men de solaı etýge tyrys tym. Al tapsyrys berýshilerdiń kóılekterin úıde otyryp-aq tigetin edim, – deıdi keıipkerimiz.
Búginde Aqbópe tiginshilik kásibin jalǵastyryp, óziniń bıznesin urshyqsha úıirip otyr. Onyń shaǵyn ǵana tigin sehy bar. Syrttaı qaraǵanda, qarapaıym kórinetin syrly esiktiń ar jaǵynda talaı boıjetkenniń armanyna aınalǵan aq kóı lek, kók kóılek, qynama kamzol, qos etek kóılekter. Buǵan qosa, qýanysh pen qımastyqtyń kýási bolǵan uzatylar qyz dyń sán-saltanatyna arnaıy tigilgen kóılekter men ulttyq kıimder dúnıege keldi. Bul – tiginshi Aqbópe Asylbekqyzy nyń shaǵyn bolsa da, sheksiz shabytqa toly sheberhanasy.
Toı kóılektiń tóresi – júrekpen tigilgen dúnıe
Aqbópeniń esimi búginde tek ulttyq kıim ǵana emes, toı kóılekterin tigýmen de tanymal. Ásirese, qazaqtyń salt-dás túrine saı, qyz uzatylarda kıetin áshekeılengen kóılekter onyń naǵyz shyǵarmashylyq qoltańbasyna aınalǵan.
«Qalyńdyqtyń kóılegi tek ádemi bolmaýy kerek, ol – shańyraq kóteretin qyzdyń jańa ómirge qadamynyń sımvoly. Ár kóılekti tikken saıyn, sol qyzdyń anasy, bolashaq jary, armany bári kóz aldymnan ótedi. Men úshin bul jáı ǵana jumys, ıaǵnı tapsyrys emes, jaýapty qyzmet», – deıdi sheber.
Bir qyzyǵy, Aqbópeniń tigin sehyna kelgenderdiń talap tilegi árqıly bop keletin kórinedi. Biri appaq matadan kóılek kıgisi kelse, biri kókpeńbek, endi biri kúlgin tústi tańdaıdy eken.
«Kóp qyzdar toıdan keıin de kıetin kóılek tikkizip jata dy. Bir esepten bul da durys sıaqty. Qazir kóp qyzdar toı kóılekti keıin de, ıaǵnı otbasylyq keshterde, merekelerde kıýge bolatyndaı etip tapsyrys beredi», – deıdi Aqbópe.
Onyń qolynan shyqqan kóılekti kıgen talaı qalyńdyq búginde óz shańyraǵynda ana atanyp otyr. Bul – Aqbópeniń kózge kórinbeıtin, biraq júrekpen seziletin eńbeginiń janǵany. Aqbópe Asylbekqyzynyń ómir joly qarapaıymdyq pen tabandylyqtyń, óner men ónegeniń aıǵaǵy. Endeshe, osyn daı altyn qoldy sheberlerdi elge tanystyrý – bizge paryz, al olardyń qoltańbasyn saqtaý – urpaqqa amanat.