Sıngapurlyq turıst qyz Íle Alatauy memlekettík ūlttyq tabıǵı parkíníń aumaǵynda ornalasqan Sátpaev shyńyna kóterílgen kezde zardap shektí. Būl turaly Almaty qalalyq qūtqaru qyzmetíníń resmı paraqshasynda @109_almaty jarıyalandy.
Sátpaev shyńy (būrynǵy Sovetter shyńy) - Josaly kezeń asuynan soltústíkke qaraı 4317 metr bıíktíkte ornalasqan, mańynda «Kosmostantsıya» ǵylymı stansasy bar. Sátpaev shyńyna shyǵu - kúrdelílígí 1A sanatyna jatatyn, alpınıster jıí baratyn baǵyt.
Sıngapurlyq turıst qyzdy ízdep-tabu jáne alǵashqy kómek kórsetu operatsıyasyna Almaty №4 qalalyq klınıkalyq auruhanasynyń travmatolog-ortopedí Konstantın Morozov qatysty. Qūtqarushylar oqıǵa ornyna jetíp, Almaty qalalyq alpınızm federatsıyasynyń nūsqaushylarymen bírge zardap shekken adamǵa alǵashqy medıtsınalyq kómek kórsetíp, ony tómen túsírudí bastady. Keıínírek ony auruhanaǵa jetkízu úshín «Ayusaı» vızıt-ortalyǵynan joǵary ornalasqan ótkelge jedel járdem brıgadasy shaqyrtyldy.
— Senbí kúní Sátpaev shyńynyń etegínde júrgenímízde, taudyń bír qıyn tūsynda tótenshe jaǵdaı bolǵany turaly habar tústí. Bíz Almaty qalalyq alpınızm federatsıyasynyń nūsqaushylarymen dereu oqıǵa ornyna bet aldyq. Zardap shekken adam morenalyq jartastan syrǵyp qūlaǵan eken. Jaǵdaıyn baǵalap, qandy toqtatyp, jarasyn tańdyq, sodan soń ony bazalyq lagerge túsírdík. Dıagnozy: jabyq bas-mı jaraqaty, mańdaı-samaıynda soǵylǵan jara jáne qoldyń kóptegen jaralary. Jaǵdaıy tūraqty boldy. Ony TJM qyzmetkerleríne tapsyrdyq, olar óz kezegínde jedel járdem brıgadasyna jetkízdí, - deıdí Almaty №4 qalalyq auruhanasynyń travmatolog-dárígerí Konstantın Morozov.
Nauqas Ortalyq qalalyq klınıkalyq auruhanaǵa jetkízílíp, barlyq qajettí aspaptyq tekseruden óttí. Ol shūǵyl gospıtalızatsıyany qajet etpedí jáne ūsynystarmen ambulatorlyq emdeuge jíberíldí.
Konstantın Rashıdovıch - travmatologıya men ortopedıya salasynda 30 jyldyq tájírıbesí bar maman. Ol táulík boıy jūmys ísteıtín qabyldau bólímíníń dárígerí retínde eń kúrdelí uchaskede qyzmet atqarady. Osy jyldar íshínde ol myńdaǵan shūǵyl jaǵdaıǵa aralasqan.
Bos uaqytynda Konstantın Rashıdovıch eríktí bolyp ísteıdí: tauly aımaqtarda ekspedıtsıyalarǵa qatysyp, alpınısterge serík bolady, tauda alǵashqy kómek kórsetu boıynsha sabaq ótkízedí.
— Alpınızmmen aınalysqanyma 20 jyldan asty. Tauǵa jıí shyǵamyn, túrlí ekspedıtsıyalarǵa qatysamyn. Alpınısterge jolserík bolamyn, nūsqaushylarǵa alǵashqy kómek kórsetu boıynsha dárís oqımyn. Alǵashqy kómek qobdıshasy únemí ózímmen bírge: bıíktíkke arnalǵan, joryqqa arnalǵan jáne keıde statsıonarlyq jınaq ta bolady. Jańa turıster eń kóp jíberetín qatelík - óz kúshín dūrys baǵalamau jáne qauípsízdík erejelerín elemeu, - dep basa aıtady №4 qalalyq klınıkalyq auruhananyń dárígerí Konstantın Morozov.
Qalalyq qūtqaru qyzmetí onyń ízdestíru-qūtqaru jūmysyna qosqan úlesín erekshe atap óttí.