21 shildede Astanadaǵy qylmystyq ister jónindegi aýdanaralyq sotta Perızat Qaırat pen onyń anasyna qatysty otyrys jabyq rejımde ótti. Kúdikti Perızat Qaırattyń anasy sotta jaýap berýden bas tartty, - dep habarlaıdy Aqshamnews.kz tilshisi.
Astanadaǵy qylmystyq ister jónindegi aýdanaralyq sotynyń baspasóz qyzmetiniń málimetinshe, jarty kún boıy zattaı dáleldemeler zerttelgen. Sondaı-aq, taraptar birqatar ótinish oqyǵan. Alaıda onyń mán-jaıy aıtylmady.
“Aıyptalýshy Perızat Qaırat pen onyń anasy Ǵaını Alashbaeva óz quqyqtaryn paıdalanyp, jaýap berýden bas tartty", – dep habarlady baspasóz qyzmeti.
Búgin 22 shildede Astanadaǵy qylmystyq ister jónindegi aýdanaralyq sotta jaryssóz bastalady.