Zilzala oshaǵy Almaty qalasynan 261 shaqyrym jerde
Almaty turǵyndary jer silkinisin sezindi, dep habarlaıdy Almaty-akshamy.kz QazAqparatqa silteme jasap.
«28 qańtar kúni saǵat 23:17-de Almaty qalasynda jer silkinisi tirkeldi. Eshqandaı zaqym bolǵan nemese qıraǵan jaǵdaı baıqalǵan joq, ahýal turaqty. «112» jáne «101» júıelerine turǵyndardan qońyraý túsken joq.
«Qazseldenqorǵaý» MM málimetteri boıynsha, gıdrotehnıkalyq qurylystarda, kóshkin jáne sel júrý qaýpi bar ýchaskelerde búliný, shógý jáne jaryqshaqtar anyqtalǵan joq», - delingen Tótenshe jaǵdaılar departamentiniń málimetinde.
«Seısmologıalyq tájirıbe ádistemelik ekspedısıasy» MM seısmıkalyq stansıalar jelisiniń dereginshe, zilzala oshaǵy Almaty qalasynan 261 shaqyrym jerde, ońtústik shyǵysqa qaraı Almaty Qyrǵyz Respýblıkasy aýmaǵynda jáne Qytaı shekarasynda ornalasqan.
Energetıkalyq sanaty - 13.4 MPV, magnıtýdasy – 6.2. Tereńdigi – 25 shaqyrym. MSK-64 baǵany boıynsha Almatyda 2 -3 bal qýatymen sezilgen.