Elimizde ekinshi jyl bolyp jatqan koronavırýs indetiniń órshýine baılanysty qasıetti qurban aıt merekesi qarsańynda QMDB tóraǵasy, Bas múftı Naýryzbaı qajy Taǵanulynyń bastamasymen qurbandyq shalýdy onlaın formatta júzege asyratyn qurban2021.kz saıty ashylǵan bolatyn.
Atalǵan saıt arqyly ótinish bildirip, qurbandyq shalýshylar da, qurbandyqtyń etine muqtaj jamaǵat ta barshylyq dep habarlaıdy Almaty-akshamy.kz tilshisi QMDB málimetterine súıene otyryp.
Ekinshi ret onlaın túrde ótip jatqan Qurban aıt merekesimen tań atqaly beri Elbasynan bastap, memleket basshysy, mınıstrler, qala basshylary, dinbasylar el azamattaryn quttyqtaýda.
Al Almatydaǵy «Orbıta-z»meshitiniń ustazy Janbolat Sapashov onlaın qurbandyq týraly aıtyp berdi.
Bıssmıllá, álhamdýlılla, assalatý assalamý ala ma nýrsıla behýda ýá bát assalamý aleıkým ýa rahmatýllahı ýa barakatýh.
Onlaın qurbandyq... muny túsindirmesten buryn qysqasha túrde qasıetti sharıǵatymyzdaǵy (ýákálá) ókilettikke toqtala ketsek. Jalpy qandaı da bir adam bir isti istegisi kelip, biraq oǵan múmkindigi bolmasa, ne múmkindigi shekteýli bolsa, onda ol sol isti basqa bir adamǵa tapsyrýǵa quqyly. Muny qasıetti sharıǵatymyzda ókilettik dep ataıdy.
Biz bıyl qıyn jaǵdaıda turmyz. Elimizdegi mynaý bolyp jatqan indetke baılanysty karantın talaptary joǵary. Sol úshin de bıyl qurbandyq shalýdyń ózindik bir qıynshylyqtary bolatyn sekildi. Soǵan baılanysty QMDB bıyl qurbandyq shalýdyń jolyn jeńildetti jáne arnaıy qurban2021.kz degen portal oılap tapty.
Siz de osy portalǵa tirkelip, óz óńirińizdi belgilep, qurbandyǵyńyzdy shalsańyz bolady. Alla taǵala qurbandyǵyńyzdy qabyl alsyn!
Eldegi qıyn jaǵdaıǵa qaraı, qurbandyq shalýdyń ońtaıly jolyn sharıǵat úkimine saı etip oılastyrǵandary úshin halyqtyń da dinı basqarmaǵa alǵysy sheksiz. Osy oraıda, júrekjardy lebizimen bólisken bir top almatylyqtardyń pikirlerin nazarlaryńyzǵa usynamyz.
Assalaýmaǵaleıkým, qazaq eli! Bárińizdi kelip jetken qasıetti Qurban aıt merekesimen shyn júrekten quttyqtaımyn. Bastaryńyzǵa amandyq, otbasylaryńyzǵa bereke tileımin. QMDB-nyń uıymdastyryp otyrǵan qurban2021.kz degen sharasy úshin óz alǵysymdy bildiremin. Almaty qalasy ókildigine de kóp raqmetimdi aıtamyn. Shalǵan qurbandarymyz qabyl bolsyn! Alla bizden razy bolsyn!
Sizderge Alla rızalyǵyn bildirsin, osy jasap jatqan nıetti jumystaryń tabysty bolsyn! Raqmet! Berip jatqan qurbandyǵymyz jánnátta jatqan baýyrlarymyzǵa, joldastarymyzǵa, qaryndastarymyzǵa, qyzdarymyzǵa, barlyqtaryna tıe bersin. Jatqan jerleri jaıly bolsyn, topyraqtary torqa bolsyn, ımandary joldas bolsyn! Mingenderi pyraq bolsyn, jaqqandary shyraq bolsyn!Ár ýaqytta osyndaı ıgi ispen aınalysyp, búkil halyqqa jaqsylyq jasaı berińder, raqmet Sizderge!
Assalaýmaǵaleıkúm, qurmetti qazaq eli!Búgingi qasıetti Qurban aıt merekesimen barshańyzdy quttyqtaımyn! Qurban aıttan Qurban aıtqa Alla taǵala bizge jetýge násip etsin! Búgingi mynaý shalyp atqan qurbandyǵymyzdy Alla qabyl etip, mol saýabyna jazsyn! Elimiz aman, jurtymyz tynysh bolsyn! Mynaý Qazaqstan musylmandary dinı basqarmasy bıyl karantın jaǵdaıyna baılanysty, bizge túrli saýapty isterden qur qalmas úshin onlaın túrde qurbandyq shalýdy uıymdastyryp otyr, sol úshin Dinı basqarmadaǵy basshylarǵa alǵysymyz bar. Alla razy bolsyn sol kisilerge! Mynaý jalpy halqymyzdyń ustanymy, biz dinı ustamdyqpen, sharıǵattan kóp úlgi alǵan halyqpyz. «Óziń toq jatpa kórshiń ash bolsa», degen ustanymmen qurbandyq shalyp, mynaý jaǵalaı taratyp, jyl boıy, kúnderdiń kúninde ettiń dámin kórmeı kele jatqan baýyrlarymyzǵa osyndaı bir qaıyrymdylyq jasap, qurbandyq shalyp, et taratqan jaıy bar. Barshańyzdyń myna taratqan qurbandyqtaryńyzdy qabyl etsin! Alla taǵala basymyzǵa amandyq, kelesi qurbandyqqa aman-esen jetýimizge Alla násip etsin!