Bul týraly Qoǵamdyq densaýlyq saqtaý basqarmasy basshysynyń orynbasary Laýra Myrzaǵalı málimdedi.
Atalǵan basqarmanyń málimetinshe, Almatyda áli «omıkron» shtamyn juqtyrǵan birde-bir jaǵdaı anyqtalmaǵan, dep habarlaıdy Almaty-akshamy.kz
«Búginge deıin qalada mýtasıaǵa ushyraǵan «omıkron» shtamynan týyndaǵan koronavırýs aýrýy tirkelgen joq. Biraq 5 zerthanadan naýqastardyń materıaldaryn, ıaǵnı oń nátıje bergen PTR zertteýlerin Almaty qalasyndaǵy Ulttyq saraptama ortalyǵynyń fılıalyna jetkizý uıymdastyrylyp, júrgizilip jatyr. Bul Nur-Sultandaǵy genetıkalyq túrlendirilgen zertteýler zerthanasyna sekvenırleý úshin synamalardy jiberý maqsatynda jasalyp otyr», - dedi Almaty QDSB basshysynyń orynbasary.