Almatynyń atynan Mılan-Kortına- 2026 qysqy Olımpıada oıyndarynda tórt qysqy sport túrinen 12 olımpıadalyq lısenzıa alǵan alty sportshy óner kórsetedi, - dep habarlaıdy Aqshamnews.kz.
Bul týraly Almaty qalasynyń Sport basqarmasynyń ókilderi habarlady.
Almaty quramasyna engen sportshylar:
Mıhaıl Shaıdorov — mánerlep syrǵanaý;
Evgenıı Koshkın — kónkımen júgirý sporty;
Aleksandra Skorohodova, Rostıslav Hohlov — taý shańǵysy sporty;
Ilá Mızernyh, Danıl Vasılev — shańǵymen tuǵyrdan sekirý (úsh dısıplına boıynsha).
Almatylyq sportshylar Qazaqstan Respýblıkasy men Almaty qalasynyń atynan álemdegi eń iri halyqaralyq sporttyq dodalardyń birine qatysyp, elimizdiń qysqy sport mektepteriniń joǵary deńgeıin jáne básekege qabilettiligin kórsetedi.
Almatylyqtardyń Olımpıada oıyndaryna qatysýy - Almaty qalasynda joǵary jetistikter sportyn damytý jáne bolashaǵy zor sportshylardy qoldaý baǵytynda jergilikti atqarýshy organdardyń júıeli jumysynyń nátıjesi.