Tekserý barysynda tótenshe jaǵdaılar departamenti qyzmetinde atalǵan júıeni satyp alý kezinde búdjet qarajatyn jymqyrý belgileri anyqtalyp, sotqa deıingi tergeý bastalǵan, dep habarlaıdy aqshamnews.kz
Almatyda jer silkinisi kezinde dabyl júıesi jumys istemeı qalǵan soń, sapasyz jabdyq ornatqan kásipker men oǵan qatysy bar birneshe laýazymdy tulǵalarǵa qatysty úkim shyqty.
Prokýratýranyń málimetinshe, 2024 jylǵy 23 qańtarda megapolıs aýmaǵynda bolǵan jer silkinisi kezinde avtomattandyrylǵan erte eskertý júıesi iske qosylmaı, halyq ýaqtyly habarlandyrylmaǵan.
Tergeýden keıin “TNS-INTEC” JSHS-niń bas dırektory jeke paıda tabý maqsatynda sapasyz jabdyq jetkizip, oryndalǵan jumystar aktilerin jalǵan resimdegeni, sol arqyly asa iri kólemde memleket qarajatyn urlaǵany anyqtaldy.
"Bul is boıynsha Almaty garnızonynyń Áskerı soty úkim shyǵardy. Qalalyq tótenshe jaǵdaılar departamentiniń úsh orynbasary jabdyqty qabyldaý kezinde nemquraıdylyq tanytqany úshin, sondaı-aq avtorlyq jáne tehnıkalyq qadaǵalaý ókilder tıisti baqylaýdy qamtamasyz etpegeni úshin qylmystyq jaýapqa tartyldy", – delingen habarlamada.
Sot barlyq sottalýshylardy kináli dep tanyp, bostandyǵynan aıyrý jáne memlekettik, sondaı-aq kvazımemlekettik organdarda belgili bir qyzmetterdi atqarýǵa tyıym salý jazasyn taǵaıyndady.