Polısıa men «Lıder» eriktiler toby olardy eki táýlik boıy tynymsyz izdedi
Almatyda úıinen ketip qalǵan apaly-sińlili qyzdar tabyldy, dep habarlaıdy Almaty-akshamy.kz QazAqparatqa silteme jasap.
17 jastaǵy Ámına Ámir jáne 5 jasar Rozalı Ámirova 10 aqpan kúni tańerteń Almaty oblysy İle aýdany Qosózen aýylyndaǵy úıinen shyǵyp ketkennen qaıtyp oralmaǵan.
Polısıa men «Lıder» eriktiler toby olardy eki táýlik boıy tynymsyz izdedi.
Eki qyzdyń sýreti búkil polısıa bólimderine joldanyp, áleýmettik jelilerde jarıalandy.
11 aqpan keshkisin qyzdardyń Almatynyń "Aınabulaq-2" shaǵynaýdanynda kameraǵa túsip qalǵany belgili boldy. Sońǵy márte olardy «Aǵaıym» kafesinen kórgen.
12 aqpan túnde Ámına men Rozalı Almaty-1 temirjol vokzalynan aman-esen tabyldy.
«İle aýdany polısıa basqarmasynyń jedel ýákili, aǵa leıtenant Qýatbek Ahmetbekovke, sondaı-aq osy polısıa basqarmasy ıývenaldy polısıasynyń ýchaskelik ınspektory Aıda Esimbekovaǵa alǵys aıtamyz», - deıdi volonterler.
Apaly-sińlili qyzdar ata-anasyna tapsyryldy.