Almatyda úı janýarlaryn tegin zararsyzdandyrý baǵdarlamasy jalǵasýda

Almaty qalasynda qańǵybas janýarlardyń sanyn izgilikti túrde retteýdiń 2021-2024 jyldarǵa arnalǵan Baǵdarlamasynyń sheńberinde úı janýarlaryn tegin zararsyzdandyrý jáne pishtirý baǵdarlamasyn jalǵastyrý kózdelgen, onyń sheńberinde shamamen 9000 ıt pen mysyqty qamtý josparlanyp otyr.

Baǵdarlamany ótkizý kezeńi 2022 jylǵy 1 shildeden 30 qarashany qosa alǵanǵa deıin

 Baǵdarlamaǵa qatysýǵa Pet Control derekter qorynda senimdi esepke alý úshin veterınarıalyq pasporty men mıkrochıpy bar janýarlar jiberiledi. Mıkrochıpy men pasporty bolmaǵan jaǵdaıda, olardy tómende atalǵan kez kelgen emhanadan qosymsha aqy tólep alýǵa bolady. Itter men mysyqtardy zararsyzdandyrýdyń jas shekteýi 7 aıdan 9 jasqa deıin, tóbet ıtter men er mysyqtardy zararsyzdandyrýdyń jas shekteýi 6 aıdan 9 jasqa deıin.

 Úı janýarlaryn zararsyzdandyrý jáne pishtirý boıynsha qyzmet:

- tirkeý kitabyna janýar ıesiniń alǵashqy shaǵymyn (anamnez jınaý, operasıaǵa jazylý) tirkeýdi;

- janýarlardy aldyn ala klınıkalyq tekserýdi, operasıaǵa qarsy kórsetkishterdi (júktilik, ovýlásıa, ımýnıtettiń tómendeýi, aldyn ala egýdiń bolmaýy) anyqtaýdy;

- janýardyń tiri salmaǵyn anyqtaýdy jáne narkoz mólsherin esepteýdi;

- aldyn ala emdeýdi;

- narkozǵa engizýdi;

- janýardy bekemdep baılaýdy;

- operasıa jasaý ornyn daıyndaýdy;

- operasıa jasaýdy;

- sapasy men qaýipsizdigin rastaıtyn qujattary bar sińiriletin tigis materıaldaryn qoldanýdy;

- narkozdan shyǵarýdy;

- esepke alý kitabynda fızıkalyq derekterdi tirkeýdi;

- janýardy kúndizgi stasıonarǵa keminde 10 saǵat baqylaýǵa jatqyzýdy;

- operasıadan keıingi 3 kún ishinde operasıa jasalynǵan janýardyń jaǵdaıyn baqylaýdy (telefon arqyly);

- yqtımal asqynýlardy boldyrmaý úshin operasıadan keıin 10-12 kún ótken soń tigisterdiń jaǵdaıyn baqylaýdy qamtıdy. 

Itter men mysyqtardy tegin zararsyzdandyrýǵa jáne pishtirýge arnalǵan veterınarıalyq emhanalardyń mekenjaılary

Úı janýarlaryn zararsyzdandyrý jáne pishtirý memlekettik baǵdarlamasyna qatysatyn veterınarlyq emhanalar týraly qosymsha aqparat atalǵan qyzmetke shart jasalǵanyna qaraı habarlanatyn bolady.