Almatyda 2025 jylǵa deıin jyl saıyn keminde 10 myń jasty jumysqa ornalastyrý josparlanýda
Mundaı maqsatty Óńirlik komýnıkasıalar qyzmetiniń brıfıńinde Almaty qalasy Jastar saıasaty basqarmasy basshysynyń mindetin ýaqytsha atqarýshy Ázız Qajdenbek aıtty, dep habarlaıdy almaty-akshamy.kz.
Spıkerdiń málimetinshe, Almaty qalasynda 14 pen 35 jas aralyǵyndaǵy 682 myńnan astam jas (turǵyndardyń jalpy sanynyń 32%) turady, onyń ishinde 421,6 myńy – jumys isteıtin jastar, 277 myńy – JOO men kolej stýdentteri (150 myńǵa jýyǵy tirkelmegen), 81 myńǵa jýyǵy – joǵary synyp oqýshylary, 47,8 myńy - NEET-jastary (7,4%).
Ázız Qajdenbek olardyń vedomstvosy úsh naqty baǵyt boıynsha jumys júrgizip jatqanyn habarlady. Bul - oqytý jáne jumysqa ornalastyrý, arnaıy ınfraqurylym qurý, sondaı-aq NEET-jastaryn mádenı, sporttyq, tanymdyq is-sharalarǵa tartý.
Birinshiden, Almaty qalasyn damytýdyń 2025 jylǵa deıingi baǵdarlamasyn iske asyrý sheńberinde ázirlengen «jastardyń damýy men ózin-ózi júzege asyrýy úshin teń múmkindikter jasaý» Jol kartasyna sáıkes jyl saıyn keminde 10 myń jasty oqytý jáne jumysqa ornalastyrý kózdelgen.
«Biz joǵary oqý oryndaryn, kolejderdi jáne iri kompanıalardy tarta otyryp, jańa keshendi tásildi qoldandyq. HedHanter.kz, OLH.kz, Naımı.kz platforma derekterin taldaý negizinde ózekti mamandyqtar boıynsha qysqa merzimdi 30 oqytý kýrsy iske qosyldy (satý jónindegi menedjer, mobılograf, SMM-menedjer, grafıkalyq dızaıner, targetolog, gıd, kýrer jáne t.b.). «Bir tereze» qaǵıdaty boıynsha qysqa merzimdi oqytý ortalyǵyn qurý jastarǵa búrokratıalyq satylardan ótýdi jeńildetti jáne jumysqa ornalasqandardyń úlesin arttyrýǵa múmkindik berdi", - dedi Á.Qajdenbek.
Jyl basynan beri 6,3 myń adam oqytyldy, onyń ishinde 4,2 myń adam jumysqa ornalasyp, taǵylymdamadan ótýde, al 2,1 myń áli de jumys izdeýde. Taǵy 1 myńǵa jýyq adam jumysqa qabyldanady dep kútilýde. Bıylǵy qazan aıynyń ekinshi onkúndiginde ózekti mamandyqtar boıynsha qosymsha 10 kýrs iske qosylady, ol shamamen 3 myńnan astam jasty qamtymaq.
Búgingi tańda kýrstardy sıfrlandyrý jumystary júrgizilýde. Jyl sońyna deıin barlyq kýrstardan onlaın ótýge bolady, bul aldaǵy jyldary jastardy oqytýǵa búdjet qarajatyn únemdeýge múmkindik beredi.
Taǵy bir jańashyldyq - «Jobfair365» jumyspen qamtý platformasymen birlesip, «Jasalmaty.kz» portalyn qurý. Platformanyń basqa uqsas quraldardan ereksheligi - bul aqysyz negizde jumys izdep qana qoımaı, sonymen qatar sertıfıkat alý arqyly qysqa merzimdi kýrstardan ótý múmkindigi. Biriktirilgen bul bastama jumysqa ornalasý jáne oqý prosesin aıtarlyqtaı jeńildetpek. Oǵan 3,7 myń bos jumys orny engizildi jáne 1,5 myń jumys berýshi tirkeldi.
«Aqpan aıynda biz qalalyq Mansap ortalyǵyn ashtyq. Eger buryn mansap ortalyqtary ár oqý ornynda bólek jumys istese, qazir olar biriktirilgen, ol bir alańda jumys berýshilermen, jumyspen qamtý ortalyqtarymen jáne basqa qurylymdarmen is-áreketti úılestirýge múmkindik beredi. Jyl basynan beri qala aýdandarynda 26 myń adamdy, onyń ishinde NEET-jastardy qamtyǵan mansap kúnderi ótkizildi», - dep jalǵastyrdy Á. Qajdenbek.
Jeke bastamalar aıasynda SHOB sýbektileri 20,8 myńnan astam jasty, onyń ishinde NEET-jastaryn jumysqa ornalastyrdy.
Sondaı-aq, kásipkerlikti damytý jónindegi ulttyq joba iske asyrylýda, 6,5 myń jas jumysqa ornalastyryldy, onyń ishinde NEET jastary da bar. Sonymen qatar, «Jasyl el» jobasy aıasynda 2,1 myń jas jumysqa ornalastyryldy. Osylaısha, jyl basynan beri NEET-jastaryn qosqanda barlyǵy 27,4 myń jas jumyspen qamtyldy.
Ekinshiden, jol kartasyn iske asyrý aıasynda jyl sońyna deıin 8 jastar komýnıtı-ortalyǵy iske qosylady.
2025 jyldyń sońyna deıin olardyń sany 16-ǵa deıin jetkiziledi.
Bolashaqta ortalyqtar tartymdy orynǵa aınalady, NEET sanatymen jumysty jańa deńgeıge shyǵarady, olardyń jeke esebin júrgizýge múmkindik beredi.
Sonymen qatar, qazir «Ońaı» kartasynyń bazasynda komýnaldyq ortalyqtardyń rezıdentteri úshin klýbtyq kartochkalyq júıeni iske qosý boıynsha kelissózder júrgizilýde. Karta kólikke, qoǵamdyq tamaqtanýǵa, sporttyq jáne mádenı ınfraqurylymdy paıdalanýǵa jáne t. b. jeńildikter beredi.
Spıkerdiń aıtýynsha, búginde Almaly aýdanynda «Depo» komýnaldyq ortalyǵy jumys isteıdi. Aǵymdaǵy jyldyń qarasha aıynda 5 nysan (Jetisý, Túrksib, Áýezov, Naýryzbaı, Bostandyq aýdandary) jáne 2 nysan (Alataý, Medeý aýdandary) aǵymdaǵy jyldyń jeltoqsan aıynda ashylady dep josparlanýda.
Sondaı-aq, qalada bos ýaqytty paıdaly qamtamasyz etýge, qosymsha daǵdylardy qalyptastyrýǵa, kásiptik baǵdarlaýǵa jáne jastarda táýeldiliktiń aldyn alýǵa baǵyttalǵan 100 bos ýaqyt ótkizý ortalyǵy jumys isteıdi, bul jeke áleýetti qalyptastyrý men odan ary damytýǵa múmkindik beredi. 2023 jyly 100 bos ýaqyt ótkizý ortalyqtarynyń 34-in jańǵyrtý josparlanýda. Búgingi kúni jumystar bastaldy, olardy bıylǵy jeltoqsan aıynda aıaqtaý josparlanýda.
Úshinshiden, jyl saıyn 1000-nan astam mádenı, sporttyq jáne t.b. is-sharalar ótkiziledi. Eger buryn olar jastardyń jalpy sanyna baǵdarlanǵan bolsa, qazir biz NEET-jastarǵa tikeleı baǵyttalǵan is-sharalardy iske qostyq. Mysaly, «Dúisenbilik Sport» (fýtbol jáne ústel tenısi) jobasy aıasynda jyl basynan beri qalanyń 40 bazarynan 1,5 myń adam qamtyldy.
«Youth Nomads» jobasy aıasynda sol sanattaǵy jastar arasynda ulttyq sport túrleri boıynsha jarystar ótkiziledi. Josparly qamtý-shamamen 10 myń adam.
Joǵaryda atalǵan sharalar kesheni Almaty qalasyndaǵy NEET jastarynyń úlesin 2023 jyldyń İ jartyjyldyǵynda 8,3% - dan (53,8 myń) 7,4% - ǵa (47,8 myń) deıin tómendetýge múmkindik berdi, al aǵymdaǵy jyldyń sońyna qaraı 6,5% - ǵa deıin, 2025 jyldyń sońyna qaraı 5,2% - ǵa deıin jáne 2030 jyldyń sońyna qaraı 4% - ǵa deıin qysqartý josparlanyp otyr.