Ulttyq qaýipsizdik komıteti Almaty qalasy boıynsha departamenti sıntetıkalyq esirtkiniń eki iri jasyryn óndirisin joıý boıynsha operasıa ótkizdi.
UQK baspasóz qyzmetiiniń aqparatyna sáıkes, psıhotropty zattardy daıyndady jáne satty degen kúdikpen úsh azamat ustaldy, dep habarlaıdy Almaty-akshamy.kz.
«Tintý kezinde 21 kg «mefedron» jáne «álfa-RVR», prekýrsorlardyń iri partıasy men zerthanalyq jabdyqtar anyqtaldy. Tárkilengen esirtki zattardyń quny «qara» naryqta 420 mln teńgege baǵalanady, al kólemi 85 000 ret qabyldanatyn mólsherlemege teń. Sottyń sanksıasymen ustalǵandarǵa qamaýda ustaý túrindegi bultartpaý sharasy qoldanyldy. Materıaldar Qylmystyq kodekstiń 297-baby 3-bóligi boıynsha Sotqa deıingi tergep-tekserýdiń biryńǵaı tizilimine tirkeldi»,- delingen derekkóz taratqan málimette.
Ózge aqparattar Qylmystyq-prosestik kodekstiń 201-baby 1-bóligine sáıkes jarıa etýge jatpaıdy.
Aǵymdaǵy jylǵy 9 aıda UQK 30 halyqaralyq jáne aýmaqtyq esirtki arnalarynyń, sondaı-aq 29 esirtki óndiretin zerthanalar is-áreketiniń jolyn kesti.
Jalpy alǵanda zańsyz aınalymnan shamamen 1 tonnaǵa jýyq sıntetıkalyq esirtki jáne 76 tonnadan astam prekýrsorlar tárkilendi.