Jasyl jelekti aptap ystyqtan qorǵaý úshin olardy sýarý jumystary jıiledi.
Aýa raıynyń aptap ystyǵyna baılanysty qurǵaqshylyqpen kúresý úshin, qalanyń barlyq aýdandarynda jasyl jelekterdi sýarý jumystaryn jıiletýge sheshim qabyldandy. Qajet bolǵan jaǵdaıda, keıbir aýmaqtar kúnde sýarylady, dep habarlaıdy Almaty-akshamy.kz.
Kóptegen aýmaqtarda avtomattandyrylǵan sýarý júıesi qoldanylady. Sondaı-aq merdiger mekemeler pompany paıdalanady. Jaıaý júrginshiler kóshelerindegi kógaldar avtomatty sýarý júıesi men sý tasyǵyshtardyń kómegimen sýarylady.
Sýarý jumystary kún saıyn kestege sáıkes túngi ýaqytta kúsheıtilgen rejımde júrgiziledi. Sondaı-aq saıabaqtardaǵy, gúlzarlar men jasyl aımaqtardaǵy jasyl jelekter qosymsha sýarylady.
Qala aýdandarynyń aýmaǵyndaǵy jumystarǵa qosymsha 22 birlik sýarý-jýý mashınalary tartyldy. 25 shildeden 26 shildege qaraǵan túni 22 mashına 66 reıs jasap, jasyl jelekterdi sýarýǵa 660 tekshe metr sý paıdalanyldy. Qalanyń avtomobıl joldary boıyndaǵy kógaldardy sýarý alańy 105 myń sharshy metrdi qurady.