Kelesi jyly bıofarmasevtıkalyq keshen salynady
Almatyda jalpy ınvestısıa kólemi 15,4 mlrd teńgeni quraıtyn bes iri óndiris orny salynýda, dep habarlaıdy Almaty-akshamy.kz LS-ke silteme jasap.
Qala ákimdiginiń málimetinshe, qurylys jumystary osy jyly bastalǵan. «Inovasıalyq tehnologıalar parki» arnaıy ekonomıkalyq aımaǵynda farmasevtıkalyq joba 11,1 mlrd teńgege júzege asyrylady. Munda kelesi jyly zamanaýı dárilik preparattardy ázirleý jáne shyǵarý boıynsha bıofarmasevtıkalyq keshendi iske qosý josparlanyp otyr. Kásiporynda 231 adam jumyspen qamtylmaq.
Sondaı-aq, megapolıste 1,5 mlrd teńgege armatýralaıtyn tor, kvars aglomerattary men profıldi qubyrlar shyǵaratyn zaýyt salynýda.
«Ákimshilik ǵımarattyń ekinshi qabatyn qalaý jumystary júrgizilýde. Jer ýchaskesin josparlaý boıynsha jumystar aıaqtaldy. Injenerlik jelilerdi salý bastaldy», - dedi ákimdikte.
Kásiporyn 2024 jyly iske qosylyp. Jańa 100 jumys orny qurylady.
Úshinshi iri joba – gazdalǵan beton bloktaryn shyǵaratyn zaýyt salý. Investısıalar – 1,24 mlrd teńge. Aqparatqa sáıkes, metal konstrýksıalar men sendvıch-panelderdi montajdaý aıaqtaldy. Qazirgi ýaqytta ınjenerlik jeliler qosylyp, tehnologıalyq jabdyqtardy montajdaý júrgizilýde. Kásiporyn 2022 jyly ashylyp, 30 adam jumysqa ornalasady.
Sondaı-aq, megapolıste kelesi jyly 800 mln teńgege tómen vóltty júıeniń elektr tehnıkalyq jabdyqtaryn shyǵaratyn zaýyt salynyp, iske qosylady. Nysanda 50 adam jumyspen qamtylady.
Besinshi iri óndiristiń ashylýy 2023 jylǵa josparlanyp otyr. Qalada 800 mln teńgege lak-boıaý ónimderin shyǵaratyn zaýyt salynyp jatyr. Atap aıtqanda, bastapqy irgesin kóterý jumystary bastaldy. Jumyspen 120 adam qamtamasyz etiledi.
Buǵan deıin, LS redaksıasy ındýstrıalyq aımaqta túrik ınvestısıalary bar eki zaýyt salyna bastaǵanyn jazǵan bolatyn. Osylaısha, 2023 jyly 1,5 mlrd teńgege metal qorshaýlar óndirisi iske qosylady. Kásiporynda jylyna 12 myń tonna jol qorshaýlary men 15 myń tonna ystyq myryshtaý buıymdary shyǵarylatyn bolady. Jáne 3,7 mlrd teńgege Panelsan sendvıch-panelderin shyǵaratyn zaýyt iske qosylady. Nysanda jylyna 1 mln sharshy metrge deıin ónim shyǵarý jolǵa qoıylmaq.