Qoımalardan taýarlyq-materıaldyq zattardy evakýasıalaý jumystary júrgizilýde.
Almatynyń Jetisý aýdanynda Moskvına kóshesiniń boıynda taýarlar saqtalǵan qoıma órtendi, dep habarlaıdy Almaty-akshamy.kz Tótenshe jaǵdaılar departamentine silteme jasap.
Barlyq kúshter men quraldar Jetisý aýdany, Moskvına kóshesi, 7 mekenjaıyna jóneltildi.
«Qoıma órtenip jatyr, oqıǵa ornyna shtabtyń jasaǵy jumyldyryldy, eki órt sóndirý toby quryldy, kórshi qoımalardy sóndirý jáne qorǵaý úshin oqpandar engizildi», - dep habarlady TJD baspasóz qyzmeti.
Qazirgi ýaqytta qoımalardan taýarlyq-materıaldyq zattardy evakýasıalaý jumystary júrgizilýde.