40 sharshy metr jer otqa oranǵan
Qalalyq tótenshe jaǵdaılar departamentiniń málimetinshe, 3 qyrkúıek kúni saǵat 16:56 shamasynda Bostandyq aýdany Rysqulbekov kóshesi, 35 mekenjaıynda avtoturaq órtenip jatqany týraly habarlama tústi, dep habarlaıdy Almaty-akshamy.kz
«Oqıǵa ornyna órt sóndirýshiler jetkende, qaraýsyz qalǵan turaqta qurǵaq aǵashtar, qoqystar men eski avtodóńgelekterdiń janyp jatqany belgili boldy. Dereý órt oqpandary baǵyttalyp, avtosısternalar gıdranttarǵa ornatyldy, sýdyń úzdiksiz berilýi qamtamasyz etildi»,- dep málim etti departamentten.
Órt sóndirý jumystaryna 3 birlik tehnıka men 13 maman jumyldyryldy. Órt saǵat 17: 28 kezinde tolyǵymen óshirildi.