Keshe keshke saǵat 23.13-te Almaty oblysyndaǵy sý qoımadan aqaý shyqty
Tótenshe jaǵdaılar mınıstrliginiń resmı ókili Talǵat Ýálıdiń málimdeýinshe, Almaty oblysy Jambyl aýdany Myńbaev aýylynyń mańynda Knıjevskogo sý qoımasynda jyryq paıda bolǵan, dep habarlaıdy Almaty-akshamy.kz.
Sý qoımasynyń kólemi – 4,47 mln tekshe metr, qazirgi ýaqytta 50% tolǵan.
Sý Qarǵaly ózeniniń arnasymen aǵyp, odan ári İle aýdanynyń Kúrti sý qoımasyna quıady.
«Apat saldarynan qaza bolǵandar men zardap shekkender joq. Oblystyq mańyzy bar «Myńbaev – Qasymbek» avtojolyn sý basqan. Polısıa jol qozǵalysyn shekteý úshin beketter qoıdy»,-delingen habarlamada.
Aqqan sýdyń kólemi azaıýda. Qarǵaly ózeniniń arnasy baqylaýda, qazirgi ýaqytta eldi mekenderdi sý basý qaýpi joq. Oqıǵa ornynda TJD mamandary jumys istep jatyr.