Megapolıs BUU-nyń Turaqty damý maqsattaryna qol jetkizý boıynsha óz tarıhynda alǵashqy Erikti jergilikti sholýǵa daıyndalýda
Almaty BUU Turaqty damý maqsattaryna qol jetkizý týraly esep bere bastaǵan alǵashqy qazaqstandyq qala bolmaq. QR ulttyq deńgeıde alǵash ret 2019 jyldyń jazynda, ekinshi ret 2022 jyldyń jazynda BUU TJM iske asyrý boıynsha erikti ulttyq sholýyn usyndy. Almaty 2023 jyldyń sońyna qaraı óz sholýyn jarıalaýǵa daıyndalýda. Qujatty ázirleý 2023 jyldyń mamyr aıynyń sońynda bastaldy.
Ulttyq jáne aımaqtyq deńgeıde de mundaı sholýlar qatysýshylardyń BUU TDM-ǵa qol jetkizýge degen izgi nıeti men daıyndyǵynyń belgisi retinde, sonymen qatar, qol jetkizilgen nátıjelerdi usyný úshin jasaıtyn eseptiligin bildiredi. Sholýlar elder men qalalarǵa tájirıbe almasýǵa, memlekettik mekemeler deńgeıinde ornyqty damý saıasatyn damytýǵa jáne nyǵaıtýǵa járdemdesýge, kópjaqty áriptestikti damytý úshin alǵysharttar jasaýǵa kómektesedi.
BUU TDM-ǵa qol jetkizý boıynsha Almatynyń Erikti jergilikti sholýyn ázirleýshi «Almaty qalasyn damytý ortalyǵy» AQ (ADO) – turaqty áleýmettik-ekonomıkalyq damý jónindegi qalanyń negizgi ınstıtýty bolyp tabylady.
ADO bul jumysty tutastaı alǵanda qalanyń damýymen tyǵyz baılanysty óziniń Damý baǵdarlamasyn iske asyrý aıasynda júrgizedi. Baǵdarlama Almatynyń damýyn jahandyq kún tártibimen jáne BUU TDM mindetterimen úndestirýge baǵyttalǵan. Bul kórsetkishterdiń egjeı-tegjeıli júıesiniń arqasynda jergilikti atqarýshy organdar júrgizetin jumystyń tıimdiligin neǵurlym naqty júıeleýge jáne jaqsyraq baǵalaýǵa, sonymen birge bul qalaǵa óziniń tanylýyn arttyrýǵa, jańa seriktester men ınvestorlardy tartýǵa múmkindik beredi.
Erikti jergilikti sholý «Almaty qalasyn damytýdyń 2025 jylǵa deıingi baǵdarlamasy jáne 2030 jylǵa deıingi orta merzimdi perspektıvalar» negizgi baǵyttaryna, maqsattary men mindetterine negizdeledi.
Sholý sheńberinde BUU TDM naqty mindetterin sheshýge baǵyttalǵan qalany damytý baǵdarlamasynyń jobalaryna - bul jobalar adamı, qarjylyq jáne ózge de resýrstardy qalaı jumyldyratynyna, sonymen qatar, qalanyń ómir súrý sapasy men ómirsheńdigin arttyrýǵa basa nazar aýdarylady.
Bul rette, megapolıs maqsatqa saı bolýy tıis – 2022 jyly BUU Bas Assambleıasynyń otyrysynda Qazaqstan Prezıdenti Qasym-Jomart Toqaev pen BUU Bas hatshysy Antonıý Gýterrısh Almatyda BUU-nyń aımaqtyq habyn ashý týraly kelisimge qol jetkizdi.
Anyqtama úshin:
Turaqty damý maqsattary (TDM) – kedeılik pen joqshylyqty joıýǵa, teńsizdik pen ádiletsizdikpen kúresýge, ǵalamshardy qorǵaýǵa jáne búkil halyq úshin beıbitshilik pen órkendeýdi qamtamasyz etýge baǵyttalǵan jahandyq qabyldanǵan maqsattar. 2030 jylǵa deıin 17 negizgi baǵyt tańdaldy, olardy iske asyrý eldi ómirdiń barlyq negizgi salasynyń turaqty damýyna jáne osy álemdegi árbir adamǵa qatysty jahandyq máselelerdi sheshýge ákelýi múmkin.
TDM iske asyrý jáne oǵan qol jetkizý úderisi BUU ókilderi tarapynan da, Qazaqstan Respýblıkasy Úkimeti tarapynan da turaqty monıtorıńte tur. TDM-ǵa tıimdi qol jetkizý úshin ornyqty damý salasyndaǵy maqsattarǵa qol jetkizý kórsetkishteri boıynsha mekemearalyq jáne saraptamalyq top (MÝEG - TDM) BUU-ǵa múshe árbir memleket úshin osy ındıkatorlardy ulttandyrý múmkindigimen jahandyq ındıkatorlar júıesin ázirledi. Búginde TDM-ǵa qol jetkizý boıynsha Qazaqstannyń monıtorıń júıesi 280 ındıkatordy qamtıdy, onyń ishinde 205 jahandyq jáne 75 ulttyq ındıkator.
Qazaqstan Respýblıkasynyń Memlekettik josparlaý júıesine sáıkes TDM mindetterin sheshý Qazaqstannyń 2050 jylǵa deıingi damý strategıasymen qatar joǵary basymdyq bolyp tabylady.