Almaty ákimi Erbolat Dosaevtyń halyqpen jetinshi kezdesýi Almaly aýdanynda ótti. İs-sharaǵa 500-den astam qala turǵyndary keldi, dep habarlaıdy Almaty-akshamy.kz.
Ákimniń málimetinshe, Almaly aýdany servıs pen jaıly turýdyń joǵary standarttaryn belgileıdi jáne Almatynyń eń tyǵyz qonystanǵan aýdany bolyp tabylady.
Halyqpen kezdesý barysynda Almaty ákimi aýdannyń negizgi problemalyq máselelerin, sonyń ishinde ınjenerlik jelilerdiń tozýy, áleýmettik nysandardyń shamadan tys júktelýi, qaýipsizdik, sondaı-aq abattandyrý jáne tarıhı ortalyqty saqtaý máselelerin atap ótti.
Búginde aýdanda negizgi problema ótken ǵasyrdyń 60-jyldary salynǵan ınjenerlik jelilerdiń tozýy bolyp tabylady. Elektr energetıkasynda tozý 70%-dy quraıdy. Erbolat Dosaev qazirgi ýaqytta jelilerdi jańartý boıynsha josparly jumystar júrgizilip jatqanyn atap ótti.
Bıyl 81 shaqyrym kabel jelisi jańǵyrtylady. Bul aýdannyń 91 myń turǵynyn úzdiksiz elektr energıasymen qamtamasyz etip, jelilerdiń tozýyn 60%-ǵa deıin tómendetedi. Sýmen jabdyqtaý boıynsha tozý 72,6%-dy quraıdy, bul qala boıynsha ortasha kórsetkishten 17,6%-ǵa joǵary. Bıyl Turǵyt Ozal kóshesindegi Abaıdan Esenjanov pen Baıtursynovqa deıingi Tóle bıden Áıteke bıge deıingi sý qubyry qaıta jańǵyrtylady.
Áleýmettik salada nysandarmen qamtamasyz etý basqa aýdandarǵa qaraǵanda joǵary, dep atap ótti Erbolat Dosaev. Onyń aıtýynsha, Almaly aýdanynyń mektepteri men balabaqshalaryndaǵy oqýshy oryndarynyń tapshylyǵy 4,1 myń oryndy quraıdy. Bıyl 850 oryndyq eki qosymsha qurylys (№34 jáne 144 gımnazıalarǵa) engizildi. № 15 gımnazıany seısmıkalyq kúsheıtý boıynsha kúrdeli jóndeý jumystary bastaldy. №16 mektepke qosymsha nysan salýǵa jobalyq qujattamany ázirleý josparda bar.
Mektepke deıingi bilim berý obektileri boıynsha № 43 balabaqsha ǵımaratynyń buryn jekeshelendirilgen bóligi satyp alyndy. Oqý jylynyń basyna deıin № 7 balabaqshanyń seısmoturaqtylyǵyn kúsheıtý aıaqtalady. Muratbaev-Jibek joly kósheleriniń boıyna ornalasqan balabaqshanyń burynǵy ǵımaratyn jeke menshikten qaıtarý jáne Tilendıev kóshesindegi burynǵy balabaqshany qalpyna keltirý máselesi qarastyrylýda.
Almaly aýdany densaýlyq saqtaýdyń sapaly júıesiniń ortalyǵy bolyp tabylady, bul emhanalarǵa tirkelgen halyqtyń sanyna áser etti. Munda qalanyń jáne oblystyń basqa aýdandarynyń turǵyndary tirkelýge umtylady, dep atap ótti qala ákimi Erbolat Dosaev.
Mysaly, aýdan halqynyń sany 224,5 myń adam bolsa, aýdannyń 18 emhanasynda jaqyn mańdaǵy aýdandardyń turǵyndaryn tirkeý esebinen 2 ese kóp pasıentterge nemese 443 myń adamǵa qyzmet kórsetiledi.
500 kelýshige arnalǵan jańa emhana qurylysy boıynsha JSQ ázirlenýde. Sondaı-aq, Raıymbek dańǵyly boıynda psıhıkalyq damýy tejelgen balalarǵa arnalǵan baseıni bar sport ortalyǵynyń qurylysyna JSQ ázirleý josparlanýda.
Almaly aýdanynda 45 mádenı-demalys nysandary men 53 tarıh jáne mádenıet eskertkishi ornalasqan. Aǵymdaǵy jyly Máýlenov kóshesinde kovorkıng aımaǵy men balalardy damytý ortalyǵy bar jańa kitaphana ashylyp, aýdan kitaphanalarynyń jalpy sany 8-ge jetti. Aýdan kitaphanalary 10 saıabaq pen skverlerde balalar men jasóspirimderge arnalǵan oıyn-saýyq baǵdarlamalary bar «Jarqyn jaz» maýsymdyq jobasyn iske asyrady. Sonymen qatar, bıylǵy jyly Raıymbek batyr kesenesin qaıta jańartý josparlanýda.
Almaly aýdany qalanyń «jasyl» aýdandarynyń biri bolyp tabylady. Aýdan aýmaǵynda 1 saıabaq, 22 skver, 24 býlvar jáne jasyl aımaqtar bar. Bıyl aýdan Qurmanǵazy-Abylaı han-SHevchenko-Panfılov kósheleriniń qıylysyndaǵy alańy 3,5 ga bolatyn taǵy bir saıabaq aýmaǵymen tolyǵady. 2 skver qaıta jóndelýde, «QBTÝ»-da jumystar júrgizilýde, «Álıa men Mánshúk» skverin abattandyrý osy jyldyń kúzinde bastalady.
Aýdanda 2 myń aǵash pen buta otyrǵyzyldy, jyl sońyna deıin taǵy 10 myńnan astam kóshet otyrǵyzylady. Aýdanda 220 myń aǵash pen buta jáne kóptegen apatty jáne eski aǵashtar bar. Jasyl qordy jańartý baǵdarlamasy aıasynda bıyl 700 apatty aǵashty buzý jáne ótemdik otyrǵyzý boıynsha 7 myń aǵash otyrǵyzý josparlanǵan.
Qala ákiminiń bastamasymen alǵash ret aýlalardaǵy apatty aǵashtardy kesý júrgiziledi. Qala boıynsha 5 myń apatty aǵash, onyń ishinde Almaly aýdanyndaǵy 800 apatty aǵash mólsherinde kvota belgilengen. Osyǵan baılanysty turǵyndar aýdandyq ákimdikterge ótinish bere alady.
«Halyqtyń búdjetke qatysýy» jobasy aıasynda Almaly aýdany boıynsha 800 mln teńge bólindi. Turǵyndar tarapynan 153 joba usynyldy. Daýys berý jáne qaraý qorytyndylary boıynsha 2022 jyly iske asyrý úshin 39 joba irikteldi.
Almaty ákimimen kezdesý barysynda turǵyndar joldardy, káriz jáne elektr jelilerin jóndeý, abattandyrý jáne t.b. máselelerdi kóterdi.
Memleket basshysy Qasym-Jomart Toqaevtyń Jarlyǵymen bekitilgen halyqpen kezdesýlerdiń jańa formatyna sáıkes jyl sońyna deıin Erbolat Dosaev Halyqpen 24 kezdesý ótkizedi – toqsan saıyn 8 aýdannyń turǵyndarymen bir-bir kezdesý.
Eske salsaq, Almaty ákiminiń halyqpen alǵashqy kezdesýi Bostandyq aýdanynda 14 sáýirde, ekinshisi – Alataý aýdanynyń turǵyndarymen 28 sáýirde, úshinshisi – Áýezov aýdanynda 12 mamyrda, tórtinshisi – Naýryzbaı aýdanynda 19 mamyrda, besinshisi – Jetisý aýdanynda 26 mamyrda, altynshysy – Medeý aýdanynda 17 maýsymda ótti.