Almaty qalasynyń ákimi Baqytjan Saǵyntaevtyń tapsyrmasy boıynsha ákimdik esebinen memlekettik tapsyrys aıasynda medısına salasyndaǵy kadrlardy daıarlaýǵa 120 grant bólindi. Bul oryn alǵan tapshylyqty joıý men mamandardyń jańa býynyn qalyptastyrýdaǵy mańyzdy qadam bolyp tabylady dep habarlaıdy almaty-akshamy.kz
Almaty qalasy ákiminiń orynbasary Erjan Babaqumarovtyń tóraǵalyq etýimen ótken jergilikti atqarýshy organnyń qarjysy esebinen memlekettik bilim berý tapsyrysyn ornalastyrý máselesi boıynsha qalalyq komısıanyń onlaın-keńesi barysynda naryqtyń qajettiligin eskere otyryp, joǵary jáne joǵary oqý ornynan keıingi bilim berý uıymdarynda kadrlardy daıarlaý jónindegi tıisti máseleler qaraldy.
Máselen, Almaty qalasy ákimdiginiń qarjysy esebinen klınıkalyq mamandyqtardy daıarlaý boıynsha 120 grant bólindi, onyń ishinde maqsatty rezıdentýraǵa (110 grant) jáne magıstratýraǵa (10 grant) jáne S.D. Asfendıarov atyndaǵy Qazaq ulttyq medısınalyq ýnıversıtetine «epıdemıologıa» mamandyǵyna, Qazaqstan-Reseı medısınalyq ýnıversıtetine (ýnıversıtetter memlekettik bilim granttaryn ornalastyrýdyń konkýrstyq tártibi boıynsha anyqtaldy) berildi.
Búginde Almatyda kadrlar tapshylyǵy 300-den astam dárigerdi quraıdy. Memlekettik bilim berý tapsyrysy aıasynda respýblıkalyq búdjet esebinen klınıkalyq mamandyqtar boıynsha rezıdentýrada oqýǵa 38 grant bólinedi. Ákimdik usynatyn 120 grant medısınalyq aqparattyq júıeler derekteri negizinde jáne "Almaty qalasynda medısına kadrlarynyń tapshylyǵyn tómendetý boıynsha qabyldanyp jatqan sharalar týraly" Jol kartasyn iske asyrý aıasynda, sondaı-aq kadrlarmen qamtamasyz etý salasyndaǵy dınamıkany eskere otyryp jasalǵan asa tapshy dárigerlik mamandyqtardy daıarlaýǵa negizdelgen. Jalpy, kadrlar tapshylyǵyn aldaǵy 2-3 jylda jabý josparlanýda.
Aıta keterligi, komısıa úmitkerler joq mamandyqtar boıynsha granttardy suranysy joǵary, sonymen qatar «kardıohırýrgıa», «neonatologıa» mamandyqtary boıynsha granttar sanyn kóbeıtý úshin qaıta bólý týraly sheshim qabyldady. Sonymen qatar, kovıdtik jáne kovıdtik emes stasıonarlarǵa qajet mamandar eskerildi.
Sonymen, granttar kelesi mamandyqtar boıynsha berildi: anestezıologıa jáne reanımasıa - 35 grant, juqpaly aýrýlar - 18, terapıa - 10, pýlmonologıa - 6, kardıologıa - 2, pedıatrıa - 9, neonatologıa - 3, nevrologıa - 3, otolarıngologıa - 6, klınıkalyq farmakologıa - 2, gastroenterologıa - 6, oftalmologıa - 3, endokrınologıa - 3, balalar hırýrgıasy - 2, travmatologıa jáne ortopedıa - 2, jedel medısınalyq kómek - 3, fızıkalyq medısına jáne ońaltý - 5, neırohırýrgıa - 2.
2-3 jyldyq oqý aıaqtalǵannan keıin Almaty qalasynyń memlekettik medısınalyq uıymdarynda jáne qalanyń qoǵamdyq densaýlyq basqarmasyna baǵynyshty uıymdarda tıisti mamandyq boıynsha 5 jyl jumys isteý qarastyrylǵan.