Áleýmettik jelilerge monıtorıń júrgizý barysynda Medeý aýdany, Observatorıa kóshesi, 5a mekenjaı boıynsha alma baqtaryn kesýge qatysty aqparat anyqtaldy, dep habarlaıdy Almaty-akshamy.kz.
Almaty qalasy Jasyl ekonomıka basqarmasynyń qyzmetkerleri Medeý aýdandyq polısıa basqarmasymen, sondaı-aq mamandandyrylǵan tabıǵat qorǵaý prokýratýrasymen birlesip, jedel oqıǵa ornyna bardy. Tekserýge barǵan kezde 21 alma aǵashynyń kesilgeni rastaldy. Osyǵan baılanysty tekserý aktisi jasalyp, 500 AEK shyǵyn eseptelip, tıisti sharalar qabyldaý úshin polısıa departamentine hat joldandy.
Medeý aýdandyq anyqtaý bólimi QR QK 340-baby boıynsha "Aǵashtar men butalardy zańsyz kesý, joıý nemese búldirý" boıynsha qylmystyq is qozǵady.
Qozǵalǵan is boıynsha kinásin tolyq moıyndaǵan kezde, jasyl ekpelerdi qorǵaý qaǵıdalary boıynsha osyndaı buzýshylyq úshin jalpy paıdalanylatyn jerlerde kesilgen aǵashtyń óteýine 1050 aǵash otyrǵyzý kózdelgen.