Qazaqstanda lastanǵan 10 qala gazǵa nemese balamaly qýat kózderine kóshiriledi. Sebebi elimizdegi ekologıa máselesi basty nazarda bolýy tıis. Bul týraly Toqaev óziniń Joldaýynda aıtty, dep habarlaıdy almaty-akshamy.kz
Sondaı-aq sýdy únemdeý máselesi de qozǵaldy.
«BUU aldaǵy 10 jyldyń ishinde jahandyq deńgeıde sý resýrsynyń tapshylyǵy bolady dep boljam jasap otyr. 2030 jylǵa qaraı sý tapshylyǵynyń kólemi 40% jetýi múmkin. Sondyqtan jańa tehnologıalarmen sıfrlandyrý arqyly sýdy únemdeýge kóshýimiz kerek. Sý tapshylyǵyn joıýdyń basqa joly joq. Bul – asa mańyzdy mindet. Úkimet sý paıdalanýdy retteý jáne ony únemdeý tehnologıasyn engizý jumysyn yntalandyrý úshin naqty sheshimder ázirleýi tıis», – dedi Qasym Jomart Toqaev.
Aldaǵy bes jylda halyq 100 paıyz taza aýyz sýmen qamtamasyz etiledi.
«Óńirlerdi damytýdyń ulttyq jobasy aıasynda 5 jyl ishinde halyqtyń 100% taza aýyz sýmen qamtamasyz etýdi tapsyramyn! Bul – Úkimettiń aldynda turǵan basty mindet», – dedi Memleket basshysy.