Sebebi olar múlik salyǵyn tólemegen.
1 qazanda 2021 jylǵa arnalǵan jeke múlik salyǵyn tóleý merzimi aıaqtalady, biraq 65 myńnan astam almatylyq bereshegin áli ótemegen, dep habarlaıdy Almaty-akshamy.kz
«Tóleý merzimine sanaýly kúnder qalǵanyna qaramastan, Almatynyń 65 215 turǵyny jalpy somasy 945 mıllıon teńge salyqty tólemegen. Eń kóp tólenbegen salyq Bostandyq aýdanynyń turǵynyna tıesili. Onyń kólemi - 15,5 mln teńge», - dep málimdedi Almaty qalasy boıynsha Memlekettik kirister departamenti.
Departament jeke úıi, páteri, saıajaıy, garajy jáne basqa da ǵımarattary bar azamattar salyq tóleýi kerek ekenin eske saldy.
Aıta ketý kerek, salyq tóleý merzimi ótkennen keıin, ıaǵnı 1 qazannan keıin múlik salyǵyn tólemegender banktik qyzmetterdi ala almaıdy, onyń ishinde banktik shot ashý, aýdarymdar jasaý, nesıe alý jáne taǵy basqa. Bul Salyq kodeksinde qarastyrylǵan.
Árbir keshiktirilgen kún úshin Ulttyq bank belgilegen resmı qaıta qarjylandyrý stavkasynyń 1,25 eselengen mólsherinde aıyppul salynady.
Sonymen qatar salyq organdary boryshkerlerge, atap aıtqanda, múlikti jáne bank shottaryna tyıym salý, sonymen qatar elden tys jerlerge shyǵýdy shekteý sharalaryn qoldanatyn sot oryndaýshylaryna májbúrlep oryndaý úshin salyq tapsyrmalaryn jiberedi.
Bul rette qaryz somasynyń 25%-ǵa deıingi sot shyǵyndary ustalady.
Salyqtardy tólemeýge baılanysty jaǵymsyz jaǵdaılardy boldyrmaý úshin Memlekettik kirister departamenti jaqyn kúnderi múlik salyǵyn tóleýge shaqyrdy.
Barlyq suraqtar boıynsha biryńǵaı baılanys ortalyǵyna 1414 nómiri boıynsha habarlasýǵa bolady.