Almatylyq úsh myń oqýshy Nur Otan partıasy fılıaldarynyń kómegimen mektepke jınaldy. Partıanyń Almaty qalalyq fılıaly tóraǵasynyń birinshi orynbasary Meıirjan Otynshıevtiń aıtýynsha, aksıa barysynda megapolıstegi nurotandyqtar men depýtattar belsendilik pen meıirimdilik tanytty, dep habarlaıdy almaty-akshamy.kz
«Balalardy mektepke daıyndaý kezinde az qamtylǵan jáne áleýmettik osal otbasylardyń tóńiregindegi uıymshyldyq – bul partıanyń Almaty qalasy boıynsha saılaýaldy baǵdarlamasynyń naqty iske asyrylýynyń nátıjesi. Bizdiń megapolıste usynylǵan partıanyń barlyq segiz fılıaly kezekti ret júrek jylýyn syılap, birligin kórsetti. Bul qaıyrymdylyq aksıasy áli jalǵasatyn bolady», - dedi Meıirjan Otynshıev.
Kómekke asa muqtaj 1744 otbasylary mektep kerek-jaraqtarymen qamtamasyz etildi. Partıanyń qalalyq fılıaly janyndaǵy Sybaılas jemqorlyqqa qarsy is-qımyl jónindegi qoǵamdyq keńestiń jetekshisi, zań ǵylymdarynyń doktory, depýtat Záýresh Ómirbaeva Almaly aýdanynyń oqýshylaryna keńse taýarlarymen jabdyqtalǵan 1000 rúkzak syıǵa tartty. Al onyń keńes boıynsha orynbasary, depýtat-mesenat Erbolat Qasymov almatylyqtarǵa oqý jyly qarsańynda jyl saıyn qaıyrymdylyqpen keńinen tanymal.
«Bıyl balalarǵa keńse taýarlary bar mektep rúkzaktarynan basqa, otandyq óndirýshiden mektep formasyn satyp alýǵa sertıfıkattar berýdi uıǵardym. Sertıfıkattar kelesi jyldyń sońyna deıin jaramdy, eger osy jyly ata-analar balalarǵa mektep formasyn almasa, kelesi jyly satyp alýǵa bolady», - dep atap ótti "nurotandyq" Erbolat Qasymov.
Jetisý aýdanynda "nurotandyqtar" áleýmettik osal otbasylardan shyqqan 350 oqýshyny qamtyp, olardyń 100-i belgili kásipker Qaırat Qudaıbergennen rúkzaktar aldy. Medeý aýdanynda "nurotandyqtardan" 200 bala syılyq aldy, Naýryzbaı aýdanynda 120 bala bolsa, onyń jartysyna partıanyń Naýryzbaı aýdandyq fılıaly Saıası keńesiniń músheleri mektepke daıyndaldy. Túrksib aýdanynda depýtat Shýhrad Shardınov júz oqýshyǵa jalpy somasy 1 mln teńgege syılyq tabystady. Sonymen qatar, onyń basshylyǵymen «AZMK» zaýytynda jumys isteıtin 48 kóp balaly otbasy osy aksıaǵa oraı aqshalaı kómek aldy.
«Bizdiń zaýytta 12 otbasylyq áýlet jumys isteıdi, sondyqtan biz bul dástúrdi aldaǵy ýaqytta da jalǵastyramyz jáne almatylyqtardyń óskeleń urpaǵy óz ata-analarynyń jolymen júredi dep úmittenemiz!» - dedi "nurotandyq" Shýhrad Shardınov.