14,2 myń jumyssyz azamat kýrstan ótkeni týraly sertıfıkat aldy.
Jumyssyz júrgen keıbir qazaqstandyqtar arnaıy kýrstan ótip, bilimin jetildirdi, dep habarlaıdy Almaty-akshamy.kz.
«Byltyr shilde aıynda skills.enbek.kz onlaın kásiptik oqytý platformasy iske qosylǵan sátten bastap 22,2 myńnan astam qazaqstandyq, onyń ishinde 14,2 myń jumyssyz azamat kýrstan ótkeni týraly sertıfıkat aldy. Platformada 35,9 myń adam tirkeldi, onyń 22,4 myńy 2022 jyly tirkelgen», - delingen Eńbekmıni baspasóz qyzmetiniń habarlamasynda.
Oqýdan ótken 14,2 myń jumyssyz azamattyń 4,3 myńǵa jýyǵy – negizinen Qyzylorda, Batys Qazaqstan, Túrkistan, Atyraý jáne Aqtóbe oblystarynan kelgen jastar.
Avtorlar iske qosylǵan sátten bastap platformada ártúrli baǵyt boıynsha 119 kýrs jarıalady, onyń 65-i tegin. Kýrstardyń uzaqtyǵy 1-den 72 saǵatqa deıin.
Eń kóp suranysqa ıe kýrstar – «Ýpravlenıe personalom», «Sútti iri qara ósirý», «Kasır», «Vyrashıvanıe klýbnıkı ot A do Ia» jáne «Unnan jasalǵan kondıter ónimderi, jiktelýi jáne daıyndalý tehnologıasy».
Budan buryn habarlanǵandaı, platforma halyqtyń bilim deńgeıi men kásibıligin arttyrýǵa, mansaptyq damýdy yntalandyrýǵa jáne «ómir boıy oqytý» tujyrymdamasyn ilgeriletýge baǵyttalǵan. Ol marketpleıs – qyzmetter naryǵy qaǵıdaty boıynsha onlaın kýrstarǵa qol jetkizýdi usynatyn halyqaralyq oqytý alańdaryna uqsas qurylǵan.
Oqýǵa tikeleı https://skills.enbek.kz/ siltemesi arqyly nemese Elektrondyq eńbek bırjasynda (enbek.kz) «Onlaın oqytý» bólimin tańdaý arqyly ótýge bolady.
Platformada bilim alýshy oqytýdyń qolaıly qarqyny men tildi, materıaldy berýdiń yńǵaıly qaǵıdatyn óz betinshe tańdaıdy, bilim berý prosesindegi óziniń progresin baqylaı alady.
Oqý aıaqtalǵannan keıin bilim alýshy 70% shekti deńgeımen testileý tapsyrýy tıis. Onlaın kýrsty sátti aıaqtaǵan jaǵdaıda daǵdylardy ıgerý týraly sertıfıkat beriledi. Kýrsty aıaqtaýdyń mindetti sharty – stýdent tarapynan kýrsty baǵalaý.
Bul sertıfıkat Elektrondyq eńbek bırjasynda (enbek.kz) tirkelgen kezde bilim alýshy jasaǵan túıindemede avtomatty túrde kórsetiledi. Qyzmetkerlerdi izdeý kezinde áleýetti jumys berýshi skills.enbek.kz-te tabysty oqýdan keıin alynǵan sertıfıkattardy kóredi.
Esterińizge sala keteıik, 2022 jyldyń 9 naýryzynan bastap platformada qoldanystaǵy fýnksıonal ońtaılandyrylyp, jańa servıster iske qosyldy.
Atap aıtqanda, kýrstardy izdeý jetildirildi, sabaqtardyń túsinikti qurylymy jasaldy, oqý prosesin baqylaý jáne kýrs avtorlarymen jyldam ózara árekettesý múmkindigi paıda boldy.
Kýrs avtorlary úshin yńǵaıly sabaq qurastyrýshy qoljetimdi, jarıalanǵan kýrstardyń statısıkasy men tıimdiligin qaraý, sertıfıkattardyń ártúrli dızaıny qarastyrylǵan, sonymen qatar oqý qunyn aldyn-ala esepteýge arnalǵan onlaın-kalkýlátor bar.
Avtorlar men ázirleýshilerge arnalǵan platformada onlaın kýrstardy ornalastyrý tegin. Kýrstar memlekettik jáne orys tilderinde ornalastyrylýy múmkin, aqparat berýdiń ártúrli formattary: mátin, prezentasıa, beıne jáne aýdıo materıaldar, ınfografıka jáne basqa túrleri bolýǵa tıis. Usynylatyn onlaın kýrstardyń uzaqtyǵy 6-dan 144 saǵatqa deıin. Platforma erekshe qajettilikteri bar stýdentter úshin ınterfeısti beıimdeý múmkindigin usynady.
skills.enbek.kz-te tirkelý jáne platformada jumys isteýge qatysty barlyq suraq boıynsha «ERDO» AQ jaýapty qyzmetkerlerimen baılanysýdy suraımyz: 8 (7172) 95 43 17 (ishki. 877, 878).