2025 jyly Qazaqstannyń Memlekettik qýyrshaq teatry 90 jyldyq mereıtoıyn aýqymdy baǵdarlamamen atap ótpek. Kórermenderge jańa qoıylymdar, «Almaty Puppet Festival» úshinshi halyqaralyq festıvali, sondaı-aq teatr murajaıynyń ashylýy jáne tarıhı kitaptyń shyǵýy usynylmaq.
Sonymen qatar, teatr spektáklder sany boıynsha rekord ornatpaq - bir jylda 1500 qoıylym jáne aýdıtorıany 95 myń kórermenge deıin ulǵaıtý josparlanýda. Bul týraly Óńirlik komýnıkasıalar qyzmetiniń brıfıńinde teatr dırektory Almat Amangeldi málimdedi, dep habarlaıdy aqshamnews.kz.
Mereıtoılyq jyl Memlekettik qýyrshaq teatrynyń tarıhynda erekshe bolmaq. Teatrdyń 90 jyldyǵyna oraı úlken baǵdarlama daıyndaldy, oǵan mynalar kiredi:
- Qazaqstanda qýyrshaq óneriniń damýy týraly baıandaıtyn basylym - Teatr týraly tarıhı kitaptyń tusaýkeseri.
- Kelýshilerdi qýyrshaq tarıhymen, sırek kezdesetin eksponattarmen jáne muraǵattyq materıaldarmen tanystyratyn jańa mádenı nysan teatr murajaıynyń ashylýy.
- Rejıserler men akterler jańa formattar men ádisterdi qoldana alatyn eksperıment keńistik - Shyǵarmashylyq zerthananyń qurylýy.
2025 jyly Almatyda «Almaty Puppet Festival» úshinshi halyqaralyq festıvali ótedi. Oǵan ár túrli elderden kelgen teatrlar qatysyp, jáne ol joba tarıhyndaǵy eń aýqymdy festıvál bolmaq.
Sonymen qatar, 2025 jyl teatr úshin tek is-sharalar sany boıynsha ǵana emes, basqa da jumys kórsetkishteri boıynsha da rekordtyq jyl bolmaq. Sonyń ishinde:
- Spektáklder sany 1500 qoıylymǵa deıin artady (2024 jyly 1390 qoıylym bolǵan).
- Teatr ótken jylmen salystyrǵanda 3 myńǵa artyq, bıyl 95 000 kórermen tartýdy josparlap otyr.
- Bıletterden túsken tabys 83 mln teńgege jetýi tıis.
«Biz teatrdyń odan da kóp adamdar úshin qoljetimdi jáne qyzyqty bolǵanyn qalaımyz. Biz úshin balalardy ǵana emes, eresekterdi de tartý mańyzdy», - dep atap ótti teatr dırektory.
Mereıtoılyq jylda jańa qoıylymdardyń sany artpaq. Teatr tórt tanymal premerany usynady:
- «Orman ǵajaıyptary» - shytyrman oqıǵalarǵa toly ertegi.
- «Naýryz qupıasy» – halyq dástúrine negizdelgen spektákl.
– «Meniń atym Qoja» - Berdibek Soqpaqbaevtyń áıgili shyǵarmasyn sahnalaý.
– «Orteke» - qýyrshaq óneriniń shyǵý tegi týraly baıandaıtyn biregeı qoıylym.
«2025 jyl qazaqstandyq qýyrshaq teatrynyń tarıhyndaǵy mańyzdy kezeńderdiń biri bolatynyna senimdimiz. Biz maqtanarlyq ister kóp, alda odan da úlken jetistikterdi asyǵa kútemiz», – dep qorytyndylady sózin Almat Amangeldi.