Bul týraly Almaty qalasynyń ákimi E.Dosaevtyń Áýezov aýdanynyń turǵyndarymen kezdesýinde aıtyldy, dep habarlaıdy Almaty-akshamy.kz.
Qoǵamdyq keńistikterdi odan ári damytý maqsatynda 11 bos ýchaskeni abattandyrý josparlanǵan. Onyń ishinde úsh ýchaske (Naýaı – Jandosov, Ótegen batyr – Otar, Sátbaev -SHepetkov) osy jyldyń qazan aıynyń sońyna deıin abattandyrylady.
Qalǵan segiz oryn boıynsha osy jyldyń tamyz aıyna deıin jobalaý-smetalyq qujattama ázirlenedi. Qurylys jumystaryn 2024 jyly júrgizýdi josparlap otyrmyz (Raıymbek dańǵyly boıynsha - 3 ýchaske, 7-shi shaǵynaýdanda – 1 ýchaske, 12-shi shaǵynaýdanda – 1 ýchaske, "Jetisý-3" shaǵynaýdanynda – 1 ýchaske, Saın-Jubanov kóshesiniń qıylysynda – 1 ýchaske, Marǵulan-Sádýaqasov kóshesiniń qıylysynda - 1 ýchaske).
Osy jyldyń qazan aıyna deıin Saın kóshesindegi 4 jerasty ótkeli jóndeledi.
Aýdannyń bes jerústi ótkelin kúrdeli jóndeý úshin jobalaý-smetalyq qujattama ázirlenýde. Joba boıynsha beınemonıtorıng júıeleriniń (BMJ) kameralaryn ornatý, qaqpaqtardy aýystyrý jáne lıftiler men pandýstardy jóndeý jumystary qarastyrylǵan. Memlekettik saraptamadan ótip, ázirleýdi aıaqtaý merzimi – 2023 jyldyń tamyzy. Bul jerústi jaıaý júrginshiler ótkelderin kúrdeli jóndeýdi 2024 jyldyń naýryz aıynda bastaımyz.