Vaksınany saqtaýǵa arnalǵan muzdatqyshtar da satyp alyndy
15 qarashada Comirnaty (Pfizer) vaksınasynyń alǵashqy toptamasy jetkiziledi . Bul týraly Úkimet otyrysynda QR Densaýlyq saqtaý mınıstri Alekseı Soı aıtty, dep habarlaıdy Almaty-akshamy.kz QazAqparat saıtyna silteme jasap.
«Balalardyń, júkti jáne bala emizetin áıelderdi koronavırýs ınfeksıasyna qarsy vaksınasıamen qamtamasyz etý maqsatynda 4 mln 230 myń doza vaksına satyp alyndy. Bul 2 mln 115 myń adamdy qamtýǵa múmkindik beredi. 12-17 jastaǵy balalar, júktilik merzimi 16-37 aptalyq áıelder jáne bala emizetin áıelder bosanǵannan keıin 42 kúnnen soń vaksınasıalaýǵa jatady», - dedi ol.
Mınıstr Comirnaty (Pfizer) vaksınasyn saqtaý ereksheligin eskere otyryp, 34 muzdatqysh satyp alynǵanyn jáne 16 óńirge jetkizilgenin aıtty.
«Sonymen qatar qosymsha 51 muzdatqysh satyp alyndy. Olar osy jyldyń qarasha aıynyń sońyna deıin jetkiziledi. 15 qarashaǵa deıin Comirnaty (Pfizer) vaksınasynyń 379 myń dozany quraıtyn alǵashqy toptamasy jetkiziledi dep kútiledi», - dedi Alekseı Soı.