№115 marshrýttyń syzbasy ózgertilýi týraly
Almaty qalalyq mobıldilik basqarmasy jolaýshylardyń suranysy boıynsha 19 qańtardan bastap № 115 marshrýt eki baǵytqa bólinetinin málimdedi, dep habarlaıdy Almaty-akshamy.kz.
Endi № 115 marshrýt "Terekti" shaǵynaýdanynan Araı kóshes-Qojabekov kóshesi - Aqsaı kóshesi - Raıymbek dańǵyly - Momyshuly kóshesi - "Zerildi" shaǵynaýdanyna kirip, keıin Momyshuly kóshesine shyǵyp, Aqyn Sara kóshesinen burylyp, keri baǵytta qozǵalatyn bolady.
Al № 115A marshrýty №7 qalalyq aýrýhanadan Raıymbek dańǵyly- Momyshuly kóshesi - Rysqulov dańǵyly odan ári Emsov kóshesine deıin júrip, keıin qaraı burylady da, Saǵı Áshimov kóshesine shyǵady. Ári qaraı Benberın kóshesi- Stroıtelnaıa kóshesi - Kúltegin kóshesi - Janqoja batyr kóshesi - ÚAK. ÚAK-nan keri qaraı burylyp, syzbasy boıynsha baǵyttaıtyn bolady.
