Қазақстанда 2024 жылы әлеуметтік төлемдерге 5,4 трлн теңге бөлініп, зейнетақылар мен жәрдемақылардың мөлшері айтарлықтай артты. Ал 2025 жылы бұл көрсеткіш 6 трлн теңгеге жетіп, 5 миллионнан астам адамды қамту жоспарланып отыр, деп хабарлайды aqshamnews.kz
2024 жылы Қазақстанда әлеуметтік қамсыздандыруға 5,4 трлн теңге бөлінді. Оның ішінде:
- Зейнетақы төлемдеріне – 3,8 трлн теңге;
- Мүгедектігі және асыраушысынан айырылу бойынша жәрдемақыларға – 614 млрд теңге;
- Көпбалалы отбасыларды қолдауға – 472,9 млрд теңге қарастырылды.
Барлық әлеуметтік төлемдер (зейнетақылар мен жәрдемақылар) республикалық бюджет шығыстарының 21,8 %-ын құрады.
2025 жылға жоспарлар:
Халық алдындағы әлеуметтік міндеттемелерді орындауға 6 трлн теңге бөлінеді. Бұл көмектерді шамамен 5 миллион адам алады деп жоспарланған.
Зейнетақы мен жәрдемақылар мөлшерінің өсуі
2025 жылғы 1 қаңтардан бастап:
- Мемлекеттік жәрдемақылар мен базалық зейнетақы төлемдерінің мөлшері инфляцияның болжамды деңгейіне сәйкес 6,5%-ға өсті.
- Ынтымақты зейнетақы 8,5%-ға артты, бұл инфляция деңгейінен 2%-ға жоғары.
- Ең төмен базалық зейнетақы 2023 жылдан бастап бес жыл ішінде ең төмен күнкөріс деңгейінің 70%-на дейін, ал ең жоғарысы 120%-ға дейін кезең-кезеңімен ұлғайтылады.
2025 жылғы жәрдемақылардың ұлғаюы:
- Бала туу жәрдемақысы:
- 1, 2, 3 бала үшін – 140 мың теңгеден 149 мың теңгеге дейін;
- 4 және одан көп бала үшін – 233 мың теңгеден 248 мың теңгеге дейін.
- Көпбалалы отбасыларға арналған жәрдемақы:
- 4 бала үшін – 59 мың теңгеден 63 мың теңгеге дейін;
- 10 бала үшін – 148 мың теңгеден 157 мың теңгеге дейін.
- Мүгедектігі бар адамдарға арналған жәрдемақы:
- I топ – 95 мың теңгеден 102 мың теңгеге дейін;
- II топ – 76 мың теңгеден 81 мың теңгеге дейін;
- III топ – 52 мың теңгеден 55 мың теңгеге дейін.
Бұл өзгерістер азаматтардың әл-ауқатын арттыруға және олардың өмір сүру деңгейін жақсартуға бағытталған.