Күн жылысымен көпшілік бос уақытын, демалысын далада, табиғат аясында өткізгенді жөн санайды. Орман-тоғай, саябақ аумағында көктем сайын белсенділі арта түсетін қауіпті жәндік - кенелер.
Күннің жылынуымен бірге табиғат та жанданып, адамға жыбырлаған құрт пен жәндіктерден төнетін қауіп те күшейеді. Әсіресе, Кенені көктемде және жазда табиғатта, әсіресе орманда «Жұқтырып алу» қаупі көпшілікке белгілі. Қандай сақтық шараларын қолдану керек және өзіңізді және жақындарыңызды қалай қорғауға болады?
Бұл мезгілде қыс бойы ашыққан кенелер күн жылысымен қорек іздеп, зияны тек жануарларға ғана емес, адамға да зор қауіп төндіреді. Негізінен кенелердің қауіп төндіру кезеңдері жыл мезгілінің көктем айларынан бастап жаздың соңғы айларына дейін ұласады.
ДСМ кене энцефалитінен қалай сақтануға болатынын айтып, ескерту жасады, деп хабарлайды aqshamnews.kz.
Кенелер үнемі аурудың тасымалдаушысы бола бермейді - көп жағдайда олардың шағуы зиянсыз, бірақ кейбіреулері әртүрлі ауруларды, соның ішінде кене энцефалитін тасымалдауы мүмкін.
Кене энцефалиті келесідей беріледі:
- вирус жұқтырған иксод кенесі жабысқан кезде;
- кенелердің жаппай шабуылы кезінде ешкілердің, қойлардың, сиырлардың шикі сүтінде сирек жағдайда вирус болуы мүмкін;
- кенені жаншығанда немесе шаққан жерін қасығанда.
Кене энцефалиті ауруының белгілері: жалпы әлсіздік, бастың ауруы, жүректің айнуы, құсу, тәбеттің төмендеуі, дене температурасының жоғарылауы, кене шаққан жерде гиперемия.
Кене энцефалитінің профилактикасы:
Табиғатта демалу кезінде, саяжайда және т. б. мыналар қажет:
ұзын жеңді көйлек киіп, оны шалбарға, ал шалбарды шұлыққа салыңыз. Бас пен мойынды орамалмен, капюшонмен жабыңыз;
мезгіл-мезгіл киім мен денені өзіңіз және өзара қарап-тексеріңіз;
дененің ашық жерлері мен киімдерді репелленттермен өңдеңіз;
кене шағып алған жағдайда медициналық ұйымға жүгініңіз.
медициналық көмекке жүгіну мүмкіндігі болмаған кезде кенені өзіңіз алып тастаңыз (кенеге бір тамшы май тамызып, пинцетпен немесе жіппен, қозғап, біртіндеп алыңыз;
Егер тұмсығы теріде қалса, оны тікен сияқты алып тастаңыз, шаққан жерге йод жағып, қолыңызды мұқият жуыңыз).