Наурызбай ауданының әкімі Назира Тоғызбаева Өңірлік коммуникациялар қызметінің алаңында сөз сөйлеп, ауданның көше-жол желісін дамыту бағытында атқарылып жатқан ауқымды жұмыстар туралы баяндады.
Әкімнің айтуынша, 2025 жылы Жол инфрақұрылымын дамыту басқармасының тапсырысы бойынша жалпы ұзындығы 37,7 шақырым болатын 30 көшеге орташа жөндеу жүргізілген, - деп хабарлайды Aqshamnews.kz.
Сонымен қатар, жаңа жолдар салу аясында «BCS Construction» мердігерлік ұйымы Ақжар шағынауданында 15,5 шақырым (34 көше) асфальттады.
Шұғыла шағынауданындағы құрылыс толық аяқталды. Ұзындығы 6,8 шақырым болатын 28 көше асфальтталды, дайындық деңгейі — 100%.
2024 жылы 50 мың шаршы метр жол жабыны қалпына келтіріліп, 1,7 шақырым арық желісі салынды. Биыл 45 мың шаршы метр жабыны жөнделіп, 1000 құдық тегістелді, 100 жаңбыр қабылдағыш ауыстырылды, сондай-ақ жалпы ұзындығы 4,7 шақырым болатын 16 көшеде техникалық тротуар салынды. Қосымша 200 өздігінен деңгейленетін люк орнатылды.
Ауданның басқа бөліктермен көліктік байланысын арттыруға ерекше көңіл бөлінгене. Жол инфрақұрылымын дамыту басқармасы Абай даңғылы, Төле би мен Жұбанов көшелерін жалғау жұмыстарын жүргізіп жатыр.
• Абай даңғылы – 600 м, аяқталу мерзімі 2025 жылдың соңына дейін;
• Төле би көшесі – аяқталу мерзімі 2025 жылдың соңына дейін;
• Жұбанов көшесі – аяқталу мерзімі 2026 жылдың тамызы.
Жол құрылысы жер телімдерін сатып алу рәсімдері аяқталған сайын кезең-кезеңімен жүзеге асырылады.
«Жергілікті атқарушы органдардың басты міндеті – аудан тұрғындары үшін қолайлы әрі қауіпсіз көлік ортасын қалыптастыру. Барлық жобалар өмір сапасын арттыруға және инфрақұрылымның қолжетімділігін қамтамасыз етуге бағытталған», - деп атап өтті Назира Тоғызбаева.