Тәртіп сақшылары неліктен мүгедектердің қоғамдық көлікке отыруы қиынға соғатынын тексерді.
Бұл бастаманы қоғам белсенділері көтерді, деп хабарлайды Almaty-akshamy.kz Polisia.kz-ке сілтеме жасап.
«Мен мүмкіндігі шектеулі жандардың мүддесін қорғаймын. Бүгінде қоғамдық көлік жүргізушілеріне аялдамадан мүгедектерді қалай алып кету керектігі жөнінде курстар өткіземін. Олар бізге кері байланысқа шығып, аялдамаға дейін жете алмайтын деректер де бар екенін айтты, өйткені жүргізушілер жол белгілері мен жол қозғалысы ережелеріне қарамастан, көліктерін жол бойына тастап кетеді», – деді қоғам қайраткері Богдан Джепка.
ПД бірлескен рейдтердің мақсаты – мүмкіндігі шектеулі адамдар үшін қолжетімді ортаны қалыптастыруға қоғамның назарын аудару және осы санаттағы жол қозғалысына қатысушыларға дұрыс көзқарас қажеттігін, сондай-ақ, оларға жолда тең мүмкіндіктерді қамтамасыз ету екенін түсіндірді.
«Мемлекетіміздің әлеуметтік саясатының басым бағыттарының бірі – мүмкіндігі шектеулі жандардың мәселелерін шешу, олардың қоғамдағы жағдайын жақсарту. Өкінішке орай, бұл ережені елемей, көліктерін тек мүгедектерге арналған орындарға, сондай-ақ, жол жиегіне қоятын жауапсыз жүргізушілер әлі де бар, бұл қоғамдық көліктердің аялдамаға жетуін қиындатады. Полиция тарапынан құқық бұзушылықтың жолын кесу, алдын алу, сондай-ақ осы түрін анықтау мақсатында шаһар жүргізушілерінің тәртібі мен жауапкершілік сезімін арттыруға ықпал ететін мақсатты профилактикалық іс-шаралар жүргізілуде», – деді Алматы қалалық ПД Әкімшілік полиция басқармасы бастығының орынбасары Дәулет Сейітқұлов.
Алматыда жыл басынан бері мүгедектерге арналған орындарға көлік құралдарын заңсыз қоюдың 600-ден астам дерегі анықталды (ҚР ӘҚбК-нің 597-бабы, 4-бөлігі).