زاڭسىز ويىن بيزنەسىمەن كۇرەس جالعاسا بەرەدى

5 جىلدا زاڭسىز ويىن بيزنەسىنە قاتىستى قىلمىستىق ىستەر 5،5 ەسە تومەندەگەن.

بۇعان قارجىلىق مونيتورينگ اگەنتتىگى جۇرگىزگەن كەشەندى جۇمىستار سەبەپ بولدى، دەپ حابارلايدى Almaty-akshamy.kz 24.kz-كە سىلتەمە جاساپ.

وسى ۋاقىت ارالىعىندا استىرتىن كازينو قىزمەتىن توقتاتۋعا باعىتتالعان قۇقىق بۇزۋشىلىقتار سانى 3 ەسە، زاڭسىز ويىن تەرمينالدارى بويىنشا قىلمىستىق ىستەر 7 ەسە ازايعان. سونداي-اق بۋكمەكەرلىك كەڭسەلەر اتىن جامىلعان 4 زاڭسىز ويىن سايتى انىقتالدى. ءقازىر تەرگەۋ ءجۇرىپ جاتىر. ارام پيعىلىن الەۋمەتتىك جەلىلەر ارقىلى ورىنداپ وتىرعاندار دا بار. بيىل "TikTok" جەلىسىندە قۇمار ويىنداردىڭ ونلاين ترانسلياسياسىن جۇرگىزگەن 177 اككاۋنت انىقتالدى. 10 ۇيىمداستىرۋشىعا قاتىستى 5 قىلمىستىق ءىس قوزعالعان.

«2022 جىلى 5،5 مىڭ ونلاين-كازينو سايتتارى مەن اككاۋنتتارى، بيىل – 2 مىڭنان اسا سايت بۇعاتتالدى. اگەنتتىك اقپارات كوميتەتىمەن جانە ۇقك متق-مەن بىرلەسىپ ونلاين-كازينونىڭ «كوشىرمە» سايتتارىن جەدەل بۇعاتتاۋ تۋرالى شەشىم قابىلدادى، «كيبەرباقىلاۋ» جۇيەسىندەگى سايتتاردى بۇعاتتاۋ الگوريتمى 14 تاۋلىكتەن 1 كۇنگە دەيىن جەڭىلدەتىلدى»، -  ق ر قارجىلىق مونيتورينگ اگەنتتىگىنىڭ رەسمي وكىلى الىبەك ءابدىلوۆ.