عىلىمدى باسقارۋ مودەلى قايتا رەتكە كەلتىرىلە باستادى.
بۇل تۋرالى پرەمەر-مينيستر ءاليحان سمايىلوۆ «AMANAT» پارتياسى فراكسياسىنىڭ كەڭەيتىلگەن وتىرىسىنا قاتىسىپ جاتىر، دەپ حابارلايدى Almaty-akshamy.kz.
«قازاقستان رەسپۋبليكاسى پرەزيدەنتىنىڭ جانىنان عىلىم جانە تەحنولوگيالار جونىندەگى ۇلتتىق كەڭەس پەن ۇلتتىق عىلىم اكادەمياسى قۇرىلدى. قازاقستاندىق عالىمداردىڭ عىلىمي زەرتتەۋلەرىنىڭ ناتيجەلەرىن كوممەرسيالاندىرۋعا ەرەكشە نازار اۋدارىلادى. 2023-2025 جىلدار ارالىعىندا عىلىمدى قارجىلاندىرۋ كولەمى 643 ملرد تەڭگەنى قۇرايدى. ونىڭ ىشىندە بيىلعى جىلى 149 ملرد تەڭگە ءبولىندى. بۇل وتكەن جىلمەن سالىستىرعاندا 3،5 ەسە كوپ»، - دەدى ءاليحان سمايىلوۆ.
بۇدان سوڭ ول وتكەن جىلى 1 700 جەتەكشى عالىمنىڭ جالاقىسى 70%-كە وسكەنىن ەسكە سالدى.
«جىل سايىن جاس عالىمدارعا الەمنىڭ جەتەكشى عىلىمي ورتالىقتارىندا تاعىلىمدامادان ءوتۋ ءۇشىن 500 گرانت بەرىلە باستادى. سونىمەن قاتار ىرگەلى زەرتتەۋلەرمەن اينالىساتىن 11 عىلىمي-زەرتتەۋ ينستيتۋتى تىكەلەي مەملەكەتتىك قارجىلاندىرۋعا اۋىستىرىلدى»، - دەدى ۇكىمەت باسشىسى.