وپەك+ كەلىسىمىنە قاتىسۋشى ەلدەردىڭ مينيسترلەر ماجىلىسىندە قازاقستاننىڭ اقپان ايىنداعى مۇناي ءوندىرۋ كۆوتاسى 1،589 ملن باررەل بولىپ بەلگىلەندى، دەپ حابارلايدى Almaty-akshamy.kz ەنەرگەتيكا مينيسترلىگىنىڭ باسپا ءسوز قىزمەتىنە سىلتەمە جاساپ.
وپەك+ كەلىسىمىنە قاتىسۋشى ەلدەردىڭ مينيسترلەر ءماجىلىسى بەينەكونفەرەنسيا فورماتىندا ءوتتى. جيىندا جەلتوقسان ايىنىڭ دەڭگەيى تالقىلاندى. ماسەلەن، قازاقستاننىڭ مىندەتتەمەلەردى ورىنداۋ دەڭگەيى جەلتوقسان ايىندا 122% بولعان.
«وتىرىس قورىتىندىسى بويىنشا، شەكتەۋلەردى تولىق الىپ تاستاعانعا دەيىن وپەك+ ەلدەرىنىڭ قازىرگى مۇناي ءوندىرۋ دەڭگەيىن اي سايىن تاۋلىگىنە 400 مىڭ باررەلگە ارتتىرۋدى جالعاستىرۋ تۋرالى شەشىم قابىلداندى»، - دەپ جازىلعان مينيسترلىكتىڭ مالىمەتىندە.
مۇنىڭ ىشىندە قازاقستانعا بەلگىلەنگەن كۆوتا دا ارتىپ وتىر.
«قاڭتار جانە اقپان ايلارىندا وپەك+ شەڭبەرىندە قازاقستان ءۇشىن كۆوتا سايكەسىنشە تاۋلىگىنە 1،572 جانە 1،589 ملن باررەلدى قۇرايدى. 2022 جىلعى ناۋرىزداعى مىندەتتەمەلەر تاۋلىگىنە 1،605 ملن باررەلدى قۇرايدى»، - دەلىنگەن رەسمي تۇسىندىرمەدە.