3 اقپان كۇنى قازاقستان اۋماعىنىڭ باسىم بولىگىندە جاۋىن-شاشىنسىز اۋا رايى ساقتالادى. ال باتىس، سولتۇستىك-باتىس، شىعىس وڭىرلەردە جاۋىن-شاشىن (جاڭبىر، قار)، كوكتايعاق، جەلدىڭ كۇشەيۋى كۇتىلەدى. رەسپۋبليكا بويىنشا كەي جەرلەردە تۇمان بولجانادى، دەپ حابارلايدى Almaty-akshamy.kz
اتاپ ايتقاندا، اقمولا وبلىسىنىڭ سولتۇستىك-باتىسىندا، سولتۇستىك قازاقستان وبلىسىنىڭ شىعىسىندا، قاراعاندى وبلىسىنىڭ سولتۇستىگىندە، قىزىلوردا وبلىسىنىڭ ورتالىعىندا جانە سولتۇستىگىندە، قوستاناي وبلىسىنىڭ سولتۇستىك-باتىسىندا، شىعىسىندا، اتىراۋ وبلىسىنىڭ باتىسىندا جانە سولتۇستىگى مەن ورتالىعىندا، تۇركىستان وبلىسىنىڭ وڭتۇستىگىندە جانە تاۋلى اۋداندارىندا، تۇندە پاۆلودار وبلىسىنىڭ وڭتۇستىك-شىعىسىندا جانە شىعىسىندا تۇمان كۇتىلەدى.
باتىس قازاقستان وبلىسىنىڭ سولتۇستىك-باتىسىندا، سولتۇستىگىندە كوكتايعاق بولادى. 15-20 م/س كۇشپەن جەل تۇرادى، سولتۇستىگىندە، شىعىسىندا تۇمان تۇسەدى.
كۇندىز ماڭعىستاۋ وبلىسىنىڭ باتىسىندا، ورتالىعىندا شاڭدى داۋىل تۇرىپ، جەل 15-20 م/س كۇشەيەدى.
الماتى وبلىسىنىڭ سولتۇستىگىندە، وڭتۇستىگىندە، شىعىسىندا تۇمان ءتۇسىپ، سولتۇستىك-شىعىسىندا 17-22 م/س جەل تۇرادى.
جامبىل وبلىسىنىڭ سولتۇستىك-باتىسىندا جانە تاۋلى اۋداندارىندا كوكتايعاق، سولتۇستىگىندە تاۋلى جانە تاۋ بوكتەرلى اۋماقتارىندا تۇمان، سولتۇستىك-شىعىسىندا 15-20 م/س جەل كۇتىلەدى.