مەملەكەت باسشىسى الماتى قالاسىنا جۇمىس ساپارىنىڭ سوڭىندا «Alatau Creative Hub» يننوۆاسيالىق ورتالىعىنا باردى
نىسان «شەتسىز قالا» ستراتەگياسىن جۇزەگە اسىرۋ اياسىندا بىلتىر جەلتوقسان ايىندا اشىلعان، دەپ حابارلايدى Almaty-akshamy.kz
ورتالىقتا كومپيۋتەرلىك باعدارلامالاردى جاساۋدى ۇيرەنۋگە، كرەاتيۆتى يندۋستريانى دامىتۋعا، شىعارماشىلىق الەۋەت پەن ۆيرتۋالدى ونەردى دامىتۋعا مۇمكىندىك بار. جالپى مۇندا ءتۇرلى باعىتتار بويىنشا 25 ۇيىرمە تەگىن جۇمىس ىستەيدى.
پرەزيدەنتكە كىتاپحانا، بالالاردىڭ ويىن الاڭى، ۆوكال ستۋدياسى، IT زەرتحانا، ەلەكتر تەحنيكاسى مەن روبوت تەحنيكاسى زالدارى، ءداستۇرلى مۋزىكاعا ارنالعان مۋلتيمەديا ورتالىعى تانىستىرىلدى.
بۇدان بولەك مەملەكەت باسشىسىنا سيفرلاندىرۋ قۇرالدارىن قولدانۋعا، كرەاتيۆتى يندۋستريانى دامىتۋعا ارنالعان پرەزەنتاسيالار كورسەتىلدى.
الماتى قالاسىنىڭ اكىمى باقىتجان ساعىنتايەۆ پرەزيدەنتكە قالانىڭ كولىك جۇيەسىن دامىتۋ جونىندە باياندادى.
قاسىم-جومارت توقايەۆ ورتالىق قىزمەتكەرلەرىمەن جانە وندا كەلۋشىلەرمەن اڭگىمەلەسىپ، سۋرەتكە ءتۇستى، سونداي-اق ولاردىڭ جۇمىسىنا تابىس تىلەدى.
