ىزدەۋ-قۇتقارۋ جۇمىستارى جالعاسىپ جاتىر
ارمەنيانىڭ پرەمەر-مينيسترى نيكولا پاشينياننىڭ شەشىمىمەن 17 جانە 18 تامىز كۇندەرى ەريەۆان قالاسىنداعى «سۋرمالۋ» ساۋدا ورتالىعىنداعى ورتتەن ادامداردىڭ قازا بولۋىنا بايلانىستى قارالى كۇن دەپ جاريالاندى، دەپ حابارلايدى Almaty-akshamy.kz قازاقپارات-قا سىلتەمە جاساپ.
Armenpress اگەنتتىگىنىڭ مالىمەتىنشە، 16 تامىزداعى جاعداي بويىنشا، ارمەنيا تجم ىزدەۋ-قۇتقارۋ جۇمىستارىن جالعاستىرىپ جاتىر. سۋرامۋل ساۋدا ۇيىندە 14 تامىز كۇنى جارىلىس بولىپ، ونىڭ ارتى ورتكە ۇلاسقان بولاتىن. قازىرگى جاعدايمەن العاندا، 3 ادام ءىز-تۇزسىز جوعالعاندار ساناتىندا.
ارمەنپرەسس-تىڭ حابارلاۋىنشا، ءورت 16 تامىز كۇنى 14:38-دە وقشاۋلانىپ، 17:49-دا تولىقتاي سوندىرىلگەن. ورتەنگەن جانە قۇتقارۋ جۇرگىزىلەتىن جەر 1 گەكتار اۋماقتى الىپ جاتىر.
قۇتقارۋ جۇمىستارىنىڭ ناتيجەسىندە 16 ادامنىڭ دەنەسى تابىلدى.