الەم كۋبوگىنە 12 كوماندا قاتىسۋدا
الماتىدا كورلينگتەن الەم كۋبوگى – نازاربايەۆ اتىنداعى XX كۋبوك جارىستارى باستالدى، دەپ حابارلايدى Almaty-akshamy.kz 24.kz-كە سىلتەمە جاساپ.
بايراقتى باسەكەدە ب ا ق سىناۋ ءۇشىن 6 مەملەكەتتەن 12 كوماندا جينالعان. ولاردىڭ اراسىندا فينليانديا، ەستونيا، رەسەيدەن كەلگەن سپورتشىلار بار. ءۇش كۇنگە جوسپارلانعان سايىس «الماتى ارەنا» مۇز ايدىنىندا ءوتىپ جاتىر. نازاربايەۆ اتىنداعى كۋبوك وسىعان دەيىن الەمنىڭ ءبىرقاتار ەلىندە ۇيىمداستىرىلعان. ال، الماتىدا العاش رەت وتكىزىلىپ وتىر. جارىستىڭ اشىلۋ سالتاناتىنا حالىقارالىق كورلينگ فەدەراسياسىنىڭ وكىلدەرى دە قاتىستى.
«بۇل كۋبوك تەك قانا قازاقستاندا ءوتىپ جاتقان جوق. كەزىندە بۇل كۋبوك كورەيادا دا ءوتتى، فينليانديادا دا ءوتتى، نازاربايەۆ اتىنداعى كۋبوك دەپ وتكىزدى. بۇل دۇنيەجۇزىلىك فەدەراسيانىڭ ءبىزدىڭ ەلىمىزدەگى كورلينگكە كوزقاراسى جوعارى دەڭگەيدە ەكەنى بەلگىلى دەپ سانايمىن»، - دەدى قازاقستان كورلينگ فەدەراسياسىنىڭ پرەزيدەنتى امانتاي كۇرەڭبەكوۆ.